Ғолибони давраи сеюми иқдоми «Бурди афсонавӣ»-и Бонки Эсхата муайян гардиданд

ДУШАНБЕ, 15.12.2022 /АМИТ «Ховар»/. Натиҷаи даври сеюми иқдоми «Бурди афсонавӣ»-и Бонки Эсхата   ҷамъбаст гардада, ғолибони роҳхатҳо муайян шуданд. Дар ин бора ба АМИТ «Ховар» дар Бонк хабар доданд.

 «Дар айни ҳол мо метавонем танҳо рақами купонҳои бурднокро нашр кунем. Номи ғолибон пас аз натиҷаи маросими ҷоизасупорӣ ва бо иҷозати ғолибон дар нашрияҳои навбатӣ эълон хоҳад шуд», — таъкид намуданд дар Бонки Эсхата.

Ба иттиллои манбаъ, рақамҳои зерин — 1102425, ш. Душанбе, 2102210, ш. Хуҷанд ва 3114552, ш. Панҷакент роҳхатро ба Дубай бурд кардаанд.

Соҳиби iPhone 13 Pro Max аз ҳама фаъолтарин иштирокчии аксия – мизоҷи Идораи амалиётии Бонки Эсхата дар ш. Хуҷанд гардид, ки  моҳи ноябр шумораи бештари купонҳоро ба даст овардааст.

Ғолибон тавассути интихоби тасодуфӣ дар ҳузури комиссияи махсус таъсис дода шуда, интихоб гардиданд.

Дар бонк зикр намуданд, ки иқдом давом дорад. Даври чорум, яъне даври финалии иқдом дар пеш аст, ки дар он низ бурди 3 саёҳат барои ду нафар ба Дубай ва  ҳавасмандгардонии иштирокчии фаъол бо iPhone 13 Pro Max пешбинӣ шудааст.

«Мизоҷон бояд бо корти VISA-и «Бонки Эсхата» дар нуқтаҳои савдо ва хизматрасонӣ ба воситаи QR-рамз ва POS терминал пардохт кунанд ё харидро дар интернет-мағозаҳо бо корт ба маблағи на камтар аз 100 сомонӣ пардохт карда, иштирокчии иқдом шаванд. Давоми 3 рӯз пас аз пардохт ба мизоҷ SMS-паёмак бо рақами тартибии иштирокчӣ меояд», — ёдовар шуданд дар Бонк.

АКС: Бонки Эсхата