«ҶОМИ ПЕШВОИ МИЛЛАТ». Дар Душанбе мусобиқаи варзишии зеҳнӣ оид ба шоҳмот оғоз гардид

ДУШАНБЕ, 13.12.2022. /АМИТ «Ховар»/. Дар Муассисаи давлатии «Мактаби ҷумҳуриявии маҳорати олии варзишӣ оид ба намудҳои амалӣ»-и Кумитаи кор бо ҷавонон ва варзиши назди Ҳукумати Ҷумҳурии Тоҷикистон мусобиқаи варзишии зеҳнӣ оид ба шоҳмот барои дарёфти «Ҷоми Пешвои миллат» оғоз гардид, иттилоъ доданд дар кумитаи мазкур.

Мусобиқа дар доираи нақшаи чорабиниҳои Кумитаи кор бо ҷавонон ва варзиш доир гардида, дар он кормандони вазорату идораҳо, ташкилоту муассисаҳо ва ғолибони даври вилоятӣ, шаҳрӣ ва ноҳиявӣ иштирок карда, миёни ҳам рақобат менамоянд.

Мусобиқаи мазкур бо максади рушди соҳаи тарбияи ҷисмонӣ ва варзиш роҳандозӣ шуда, ҳаҷми мукофотпулии он 100 ҳазор сомонӣ пешбинӣ гардидааст.

Он 16-17 декабри соли 2022 дар вазъияти тантанавӣ ба ғолибону ҷоизадорони мусобиқа супорида мешавад.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон