Путин: Россия иттифоқчиёни худро бо ҳар восита ҳимоя менамояд

ДУШАНБЕ, 08.12.2022 /АМИТ «Ховар»/. Россия иттифоқчиёни худро бо тамоми воситаҳо ҳимоя хоҳад кард, иброз дошт Президенти Россия Владимир Путин дар ҷаласаи Шӯрои рушди ҷомеаи шаҳрвандӣ ва ҳуқуқи башар, ки навори он аз тариқи «Кремл. Новости» низ дастрас аст.

Зимни посух а савол оид ба хавфи ҷанги ҷаҳонии атомӣ зикр  намуд, ки яроқи ядроии амрикоӣ бо миқдори зиёд дар қитъаи Аврупо ҷой гирифтааст.

Ӯ таъкид намуд, ки Россия ба фарқ аз ИМА дар кишварҳои дигар силоҳи тактикии ҳастаӣ надорад.

«Мо яроқи ядроии худро ба касе надодаем ва нахоҳем дод, вале, албатта, агар зарур шавад, мо иттифоқчиёни худро бо тамоми воситаҳои дар ихтиёрамонбуда муҳофизат мекунем», — гуфт Путин.

Дар ҳамин ҳол ӯ афзуд, ки Россия ният надорад, силоҳи ҳастаиро ба мисли асбоби риштарошӣ дар саросари ҷаҳон давида, алвонҷ диҳад.

Путин зикр кард, ки Федератсияи Россия «девона нашудааст» ва моҳияти яроқи ҳастаиро пурра дарк мекунад ва илова намуд, ки ин танҳо як «омили боздоранда» аст, ки ба густариши низоъҳо сабаб намешавад.

Ӯ изҳори умедворӣ кард, ки ҳама инро дарк менамоянд.

«Ин воситаҳоро мо дорем, равшан аст, ки онҳо дар шакли пешрафта ва муосиртар нисбат ба дигар кишварҳое, ки яроқи ҳастаӣ доранд, мавҷуданд. Имрӯз ин воқеияти возеҳ аст»,- гуфт Президенти Россия дар мулоқот бо ШРҶШ.

АКС аз сомонаи Кремл