РАВАНДИ ОБИ ДУШАНБЕ. Ҳайати сатҳи баланди Ҷопон барои иштирок дар Конфронси оби СММ-2023 даъват шуд
ДУШАНБЕ, 08.12.2022 /АМИТ «Ховар»/. 7 декабр мулоқоти муштараки сафирони Тоҷикистон ва Подшоҳии Нидерланд дар Ҷопон Мирзошариф Ҷалолов ва Питер ван дер Влист бо муовини парлумонии Вазири замин, зерсохтор, нақлиёт ва сайёҳии кишвари иқомат Фурукава Ясушӣ доир гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар вохӯрӣ ҷонибҳо роҷеъ ба ҳамкории Тоҷикистон ва Нидерланд дар доираи баргузории Конфронси оби Созмони Милали Муттаҳид бо ҳамраисии Ҷумҳурии Тоҷикистон ва Подшоҳии Нидерланд 22-24 марти соли 2023 дар шаҳри Ню-Йорк ва инчунин таъмини иштироки ҳайати сатҳи баланди ҷониби ҷопонӣ дар чорабинии мазкур ибрози назар карданд.
Сафири Тоҷикистон Мирзошариф Ҷалолов ҳамчунин оид ба масъалаи об дар минтақа ва ташаббусҳои байналмилалии кишвари мо дар соҳаи об, пешгирии зуҳуроти тағйирёбии иқлим ва наҷоти пиряхҳо маълумот дода, ҳамбастагии байналмилалиро ҷиҳати ҳалли мушкилоти марбут ба об амри зарурӣ номид.
Ёдовар мешавем, ки Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 таҳти унвони «Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ» 6-9 июни соли 2022 дар Душанбе баргузор гардид.
Конфронси оби СММ баъд аз Конфронси оби сатҳи баланди соли 1977 дар Мар-дел-Плата нахустин Конфронси оби СММ дар чунин сатҳ ба ҳисоб меравад. Конфронс таҳти ҳамраисии Тоҷикистон ва Нидерланд доир мегардад.
Акс: ВКХ ҶТ
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
Тоҷикистон ва Кувайт таҳкими ҳамкориро дар арсаи рушд баррасӣ намуданд
Дар Душанбе таҳти унвони «Тоҷикистон ва 35 соли соҳибистиқлолӣ: таҷрибаи сулҳофарӣ, сиёсати бисёрсамта ва рушди устувор» конфронси байналмилалӣ баргузор шуд
Дар Душанбе таҷрибаи 35-солаи сулҳофарӣ ва сиёсати бисёрсамтаи Тоҷикистон баррасӣ шуд
Сафири Тоҷикистон дар Кувайт бо Мудири омили Ширкати ҳавопаймоии «Jazeera Airways» мулоқот намуд
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
