Шолтс аз олмониҳо даъват кард, ки дар синни 67 ба нафақа бароянд

ДУШАНБЕ, 12.12.2022 /АМИТ «Ховар»/. Канслери Олмон Олаф Шолтс изҳори умед кард, ки дар кишвар шумораи камтари мардум пеш аз вақт ба нафақа бароянд. Тавре АМИТ «Ховар» хабар медиҳад, ӯ дар ин бора дар мусоҳиба бо рӯзномаҳои гурӯҳи таҳририи Funke, ки иқтибосҳо аз онҳо рӯзи якшанбе паҳн шудаанд, изҳор доштааст.

«Ҳиссаи он шахсонеро, ки дар ҳақиқат то синни нафақавӣ фаъолият карда метавонанд, афзоиш додан зарур аст»,- изҳор кард ӯ ба гурӯҳи расонаҳои Funke.

Ҳукумат мехоҳад, ки дар Олмон шумораи бештари одамон дар 67-солагӣ ба нафақа бароянд, на дар 63 ё 64, ки аксаран чунин аст. Аммо барои бисёриҳо ин мушкил аст, илова кард ӯ.

Шолтс ҳамчунин «иқтидор барои баланд бардоштани» саҳми занонро дар бозори меҳнат мебинад. «Аммо барои он ки ин кор кунад, мо бояд пешниҳодҳои нигоҳубини дарозмуҳлатро дар боғчаи бачагон, кӯдакистонҳо ва мактабҳо васеъ кунем»,-таъкид кард ӯ.

Иқтисоддонҳо ва корфармоён дар Олмон кайҳо боз ба баланд бардоштани синни нафақавӣ то 70 сол, аз ҷумла барои ба эътидол овардани низоми нафақа даъват мекунанд. Аммо ҳизбҳои ҳукмрон дар созишномаи эътилофӣ муқарраротеро таъмин кардаанд, ки тибқи он синни нафақаи ҷорӣ аз 67 сол боло бардошта намешавад.

Азиза Дадабоева
АМИТ «Ховар»

АКС: Reuters