Созмони ҷаҳонии метеорологӣ: бо норасоии об дар оянда зиёда аз панҷ миллиард нафар сокинони сайёра рӯбарӯ хоҳанд шуд

Декабрь 1, 2022 13:35

ДУШАНБЕ, 01.12.2022 /АМИТ «Ховар»/. То соли 2050 беш аз панҷ миллиард нафар сокинони Замин ба ин ё он дараҷа ба норасоии об дучор хоҳанд шуд. Тавре АМИТ «Ховар» хабар медиҳад, дар ин бора дар гузориши «Вазъи захираҳои обӣ дар ҷаҳон», ки 29 ноябри соли 2022 аз ҷониби Созмони ҷаҳонии метеорологӣ (WMO) нашр гардид, гуфта шудааст.

Созмон гузориши аввалини худро дар ин мавзӯъ дар асоси натиҷаи таҳлили таъсири иқлим, тағйироти иҷтимоӣ ва муҳити зист ба манбаъҳои обии Замин интишор кардааст. Санад дар бораи ҳаҷми ҷаҳонии захираҳои оби тоза маълумот дода, инчунин мавқеи осебпазири криосфераи Заминро (барф ва ях) нишон медиҳад.

Ҳоло 3,6 миллиард нафар бо мушкили норасоии дастрасӣ ба об дар муддати ҳадди ақал як моҳ дар сол рӯбарӯ ҳастанд.

Интизор меравад, ки ин рақам то соли 2050 ба беш аз панҷ миллиард афзоиш хоҳад ёфт.

Дар Африқо сатҳи об дар дарёҳои Нигер, Волта, Нил ва Конго дар соли 2021 ба таври назаррас камтар аз меъёр буд. Дар баъзе минтақаҳои Россия ва Осиёи Марказӣ низ ин чиз мушоҳида шудааст.

Дар маҷмӯъ, дар гузориш гуфта мешавад, ки тамоюлҳои манфӣ аз тамоюлҳои мусбат қавитар хоҳанд гашт, яъне таъмини оби зеризаминӣ тадриҷан коҳиш меёбад.

Шаҳлои САДРИДДИН,
АМИТ «Ховар»

АКС: хадамоти хабарии СММ ООН / Л. Куинонес

Декабрь 1, 2022 13:35

Хабарҳои дигари ин бахш

COVID-19. Дар Олмон низоми оммавии ниқобпӯшӣ дар автобус ва қатораҳо бекор карда мешавад
Дар штати Техаси Америка тӯфони зимистона бо борони сард ба амал омад
Бар асари сӯхтор дар шарқи Ҳиндустон 14 нафар ҳалок шуданд
Иттиҳоди Аврупо аввалин бор аз Офтоб ва бод нисбат ба газ бештар неруи барқ гирифт
Дар Анталия жола ба андозаи тӯби голф борид
ХБА соли 2023 коҳиши нархи нафтро 16% пешбинӣ кардааст
ВАО: шумораи қурбониёни ҳамлаи террористӣ дар Пешовари Покистон ба 72 нафар расид
Петр Павел президенти нави Чехия интихоб гардид
Шумораи қурбониён бар асари садама дар ҷанубу ғарби Покистон ба 44 нафар расид
СММ барои аз байн бурдани маҳдудияти таҳсил ва кори занони Афғонистон берун аз хона талош хоҳад кард
БОРИШИ БАРФ ШИМОЛИ ҲИНДУСТОНРО ПӮШОНД. Аз сабаби бориши зиёд хатҳои интиқоли барқ хароб шудаанд
COVID-19. СУТ дар бораи 13% афзоиш ёфтани фавт бар асари коронавирус хабар дод