«ТУРИЗМ ДАР ШОҲРОҲИ АБРЕШИМ-2022». Дар ин намоишгоҳи байналмилалӣ имконоти сайёҳии Тоҷикистон муаррифӣ шуданд
ДУШАНБЕ, 05.12.2022 /АМИТ «Ховар»/. Аз 30 ноябр то 2 декабр дар шаҳри Тошканд Намоишгоҳи байналмилалии сайёҳии «Туризм дар Шоҳроҳи Абрешим– 2022» баргузор гардид, ки дар қатори беш аз 300 намояндагии соҳа аз 30 кишвари ҷаҳон 50 ширкати сайёҳии ватанӣ зарфияти бойи сайёҳии Тоҷикистонро муаррифӣ намуданд. Дар ин бора ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон иттилоъ доданд.
Дар кори намоишгоҳ роҳбарияти Кумитаи рушди сайёҳии назди Ҳукумати Ҷумҳурии Тоҷикистон, намояндаи Дастгоҳи иҷроияи Президенти Ҷумҳурии Тоҷикистон, Сафорати Ҷумҳурии Тоҷикистон дар Ҷумҳурии Узбекистон, роҳбарону намояндагони ассотсиатсияҳои сайёҳӣ, ширкатҳои сайёҳӣ, осоишгоҳу табобатгоҳҳо, Иттифоқи ҳунармандони Тоҷикистон, шарикони рушд, аз ҷумла Корпоратсияи байналмилалии молиявӣ, дафтари АКТЕД дар Душанбе иштирок намуданд.
Дар гӯшаи сайёҳии мамлакат бартарияти рақобатнокии Тоҷикистон, аз ҷумла, иқтидори бойи табиӣ, сайёҳии табобатию солимгардонӣ ва имконияти машғулият бо намудҳои сайёҳии экологӣ, варзишию кӯҳнавардӣ, фарҳанги нодир ва тамаддуни бою қадимӣ инъикос гардиданд.
Платформаи намоишгоҳ имкон дод, ки дар он ташкилоту ассотсиатсияҳои сайёҳӣ ва дигар субъектҳои соҳаи сайёҳии кишвар хизматрасониҳои худро ба бозори ҷаҳонии сайёҳӣ пешниҳод намоянд. Ҳамзамон тариқи вохӯриҳои «В2В», ки зимни намоишгоҳҳои мазкур баргузор мегарданд, тавонистанд бо ҳамтоёни худ ҳамкориро бо имзои силсилаи созишномаҳо тақвият бахшанд.
Дар ҳошияи намоишгоҳ мулоқоти Раиси Кумитаи рушди сайёҳии назди Ҳукумати Ҷумҳурии Тоҷикистон бо муовини Сарвазир – Вазири сайёҳӣ ва мероси фарҳангии Узбекистон Азиз Абдуҳакимов баргузор гардид. Дар он масъалаи дурнамои рушди ҳамкории минтақавӣ дар соҳаи сайёҳӣ бо мақсади тавсеаи минбаъдаи робитаҳои мутақобилан судманд муҳокима гардид.
Ҳамчунин вохӯриҳои роҳбарияти Кумитаи рушди сайёҳӣ бо намояндагони Созмони умумиҷаҳонии сайёҳӣ, Палатаи тиҷоратии Осиёи Миёна ва Осиёи Ҷанубӣ бо қароргоҳ дар Сингапур, Хадамоти тиҷоратии BBC World News дар Авруосиё баргузор шуданд.
Бо мақсади тавсеи бештари ҳамкорӣ дар ҳошияи намоишгоҳи байналмилалӣ дар шаҳри Тошканд мулоқоти Раиси Кумитаи рушди сайёҳии назди Ҳукумати Ҷумҳурии Тоҷикистон бо намояндагони мақомоти сайёҳии Федератсияи Россия, Қазоқистон ва вилоятҳои Фарғона, Қашқадарё ва Сурхондарёи Узбекистон анҷом дода шуд.
АКС: Кумитаи рушди сайёҳии назди ҲҶТ
«Alvarez & Marsal Middle East» ба низоми бонкии Тоҷикистон хизматрасонии машваратӣ пешниҳод менамояд
Дар Душанбе ҳамкории Тоҷикистон бо Малайзия дар самти омодасозии мутахассисони соҳаи фанноварии иттилоотӣ муҳокима гардид
Муовини якуми Сарвазири Ҷумҳурии Тоҷикистон бо Президенти Идораи патентии Авруосиёӣ мулоқот намуд
Дар Вашингтон дурнамои ҳамкории Тоҷикистон бо Хазинаи Байналмилалии Асъор баррасӣ шуд
Минтақаҳои озоди иқтисодии Тоҷикистон соли 2023 ба маблағи беш аз 445 миллион сомонӣ маҳсулот истеҳсол намуданд
Дар Тоҷикистон зиёда аз 8 ҳазор ихтирооти давлатҳои гуногуни ҷаҳон ҳифз мешаванд
Раиси Бонки миллии Тоҷикистон бо намояндагони ширкатҳои «Moody’s Investors Service» ва «De La Rue» масъалаи ҳамкориро баррасӣ намуд
Дурнамои макроиқтисодӣ бо назардошти номуайяниҳо дар бозори молиявӣ дар форуми Вашингтон баррасӣ гардид
Имрӯз дар Душанбе Форуми байналмилалии ихтироъкорон ва навоварон баргузор мешавад
РОҲ БА УҚЁНУСИ ҲИНД. Дар Теҳрон ҳайатҳои Тоҷикистон ва Эрон оид ба истифодаи бандари «Чобаҳор» гуфтушунид анҷом доданд
Кишоварзони шаҳри Турсунзода зиёда аз 370 тонна маҳсулоти барвақтии гармхонаҳоро ба аҳолӣ пешниҳод намуданд
Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
