30 ТАРМА ДАР ЯК СОАТ. Дар роҳи Душанбе — Чаноқ бо шиддат гирифтани бориши барф хавфи фаромадани тармаҳои нав мавҷуд аст
ДУШАНБЕ, 11.01.2023. /АМИТ «Ховар»/. 10 январ дар давоми як соат аз километри 53 то 81-уми роҳи Душанбе-Чаноқ қариб 30 тармаи хурду калон фаромад. Дар ин бора ба АМИТ «Ховар» дар Филиали «Инновейтив Роуд Солюшнз ЛТД» дар Ҷумҳурии Тоҷикистон иттилоъ доданд.
«Илова бар ин, бориши барф торафт шиддат гирифта, хавфи фаромадани тармаҳои нав мавҷуд аст»,- тазаккур дод манбаъ.
Бо назардошти ин, дар ҳамоҳангӣ бо Раёсати Бозрасии давлатии автомобилии Вазорати корҳои дохилӣ ва Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ҳаракати тамоми намуди нақлиёт дар роҳи мазкур муваққатан манъ карда шуд.
«Аз субҳи барвақти 11 январ дар масири Душанбе — Чаноқ бартарафсозии тармаҳо, тоза намудани роҳ аз барф ва коркарди он бо маводи зиддилағжиш шурӯъ гардида, кормандони филиали Ширкат тамоми кӯшишро ба харҷ дода истодаанд, то роҳи мазкур ҳарчӣ зудтар кушода шавад»,-таъкид намуд манбаъ.
Ёдрас мешавем, ки тибқи иттилои Агентии обуҳавошиносии Тоҷикистон, аз 10 январ то 14 январи соли равон бар асари ворид гардидани ҳавои сард аз самти аврупоии Федератсияи Россия дар қисмати бештари қаламрави ҷумҳурӣ ҳаво сард мешавад ва барфи шадид меборад.
Шаҳлои САДРИДДИН,
АМИТ «Ховар»
АКС: Филиали «Инновейтив Роуд Солюшнз ЛТД» дар Ҷумҳурии Тоҷикистон
Котиби Шурои амнияти Тоҷикистон Юсуф Раҳмон бо Котиби давлатии Шурои амнияти Ҷумҳурии Беларус Александр Волфович мулоқот намуд
Котиби Шурои амнияти Тоҷикистон бо Мушовири Шурои амнияти миллии Ҷумҳурии Ироқ мулоқот намуд
Дар вилояти Хатлон 128 ҳодисаи садамавии роҳу нақлиёт ба қайд гирифта шуд
Дар ҷаласаи Шурои вазирони мудофиаи давлатҳои аъзои СААД ҳамкорӣ дар соҳаи ҳарбӣ баррасӣ карда шуд
Котиби Шурои амнияти Тоҷикистон дар Вохӯрии 13-уми байналмилалии намояндагони баландмақоми бахши амният иштирок намуд
Аз 29 то 31 май дар Душанбе ҳаракати воситаҳои нақлиёт муваққатан маҳдуд карда мешавад
«ЗАМИН», «МАРЗ» ВА «ВАТАН» — УНСУРҲОИ МУҚАДДАС ВА ҲАЁТАН МУҲИМ. Ба Рӯзи Қӯшунҳои сарҳадӣ бахшида мешавад
Дар Бадахшон 31-солагии таъсиси Қӯшунҳои сарҳадӣ таҷлил гардид
Мубориза ба муқобили терроризми байналмилалӣ масъалаи афзалиятноки замони муосир аст
«КОРВОНИ ДИДОР». Модарон дар қисмҳои ҳарбӣ бо шароити хизмати фарзандон шинос мешаванд
Дар Душанбе ду далели вайрон намудани қоидаҳои истифодаи неруи барқ ошкор карда шуд
Дар Душанбе ҷаласаи Шурои роҳбарони ниҳодҳои амниятӣ ва хадамоти махсуси кишварҳои аъзои Иттиҳоди Давлатҳои Мустақил оғоз шуд
