Дабири кулли нави Созмони Аҳдномаи амнияти дастҷамъӣ муаррифӣ гардид
ДУШАНБЕ, 11.01.2023 /АМИТ «Ховар»/. Дабири кулли нави Созмони Аҳдномаи амнияти дастҷамъӣ (СААД) Имангали Тасмагамбетов дар ҷаласаи Шӯрои доимии ин созмон муаррифӣ карда шуд. Дар ин бора АМИТ «Ховар» бо истинод ба хадамоти матбуоти сафорати Беларус дар Москва хабар медиҳад.
«Котиби давлатии Шӯрои амнияти Беларус Александр Волфович дар ҷаласаи Шӯрои доимии СААД дабири кулли нави созмон, намояндаи Қазоқистон Имангали Тасмагамбетовро муаррифӣ кард», — иттилоъ дод намояндаи сафорати Беларус.
Волфович ҳамчунин гуфт, ки дабири кулли нав тасмим гирифтааст дар ояндаи наздик ба Минск сафари расмӣ анҷом диҳад.
Ёдовар мешавем, ки Тасмагамбетов аз 1 январи соли 2023 ба мақоми дабири кулли созмон таъйин шуда буд. Дар ин мақом ӯ 3 сол фаъолият хоҳад кард.
Тасмагамбетов дар солҳои гуногун ба ҳайси вазири мудофиаи Ҷумҳурии Қазоқистон, сарвазири Қазоқистон, ҳокими вилояти Атирау, Остона ва Алмаато кор кардааст. Аз соли 2017 то соли 2019 Сафири Фавқулода ва Мухтори Ҷумҳурии Қазоқистон дар Федератсияи Россия буд. Моҳи декабри соли 2019 бо сабаби расидан ба синни нафақа аз вазифаи сафири Қазоқистон дар Россия озод карда шуд. Моҳи майи соли 2022 ӯ президенти Федератсияи голфи Қазоқистон гардид.
Бояд гуфт,ки ба СААД Тоҷикистон, Арманистон, Беларус, Қазоқистон, Қирғизистон ва Россия шомил мебошанд.
АКС: коллаж аз golos-naroda.kz
Ба ифтихори Рӯзи Конститутсия дар Прокуратураи генералӣ маҷлиси тантанавӣ баргузор гардид
Дар Исфара нақшаи даъвати тирамоҳӣ пурра иҷро гардид
Ҳайати Тоҷикистон дар Конференсияи байналмилалии Минск оид ба амнияти Авруосиё иштирок намуд
Дар Душанбе ҷаласаи панҷуми Гурӯҳи кории байниидоравӣ оид ба бехатарии партовгоҳҳои саноатӣ баргузор шуд
Дар Прокуратураи генералии Ҷумҳурии Тоҷикистон ҷаласаи навбатии шурои ҳамоҳангсозӣ баргузор гардид
ОГОҲӢ! Аз 4 то 6 ноябр дар баъзе минтақаҳои Тоҷикистон омадани сел пешгӯӣ мешавад
Дар вилояти Хатлон нақшаи даъвати тирамоҳӣ 100 фоиз иҷро гардид
Нақшаи даъвати тирамоҳӣ ба сафи Қувваҳои Мусаллаҳи Ҷумҳурии Тоҷикистон зиёда аз 97 фоиз иҷро шуд
«Барномаи миллии бехатарии авиатсияи граждании Ҷумҳурии Тоҷикистон барои солҳои 2026-2030» қабул гардид
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
