Дар Ҷамоати деҳоти Куҳандиёри шаҳри Конибодом 29 техника барои мавсими нави кишт омодаи кор аст
ДУШАНБЕ, 30.01.2023 /АМИТ «Ховар»/. Дар Ҷамоати деҳоти Куҳандиёри шаҳри Конибодом шудгори заминҳо идома дошта, масъулини соҳаи кишоварзӣ ба мавсими нави кишт омодагӣ мебинанд. Дар Куҳандиёр 1922 гектар замини корам мавҷуд буда, дар 1400 гектари он чигит кишт карда мешавад. Барои шудгори заминҳо дар айни замон 29 техника омодаи кор аст, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Мавриди зикр аст, ки Раиси вилояти Суғд Раҷаббой Аҳмадзода зимни сафари корӣ ба шаҳри Конибодом бо ҷараёни корҳои омодагӣ ба мавсими нави кишт аз наздик шинос гардид.
Раиси вилоят барои сари вақт ба охир расонидани шудгори замин, истифодаи самараноки заминҳои кишоварзӣ ва омода намудани пойгоҳҳои обкашӣ ба роҳбарияти шаҳр супориш дод.
Ҳамзамон бо корҳои васлу насби қубурҳо ва бунёди пойгоҳи обкашӣ дар Ҷамоати ба номи Раҷаб Ҳамроев, сохтмони бинои нави мактаби рақами 48 дар деҳаи Сомониён, сохтмони маркази савдо ва тарабхонаи соҳибкор Соҳиба Исроилова, маркази савдо ва хизматрасонии соҳибкор Мавҷуда Шарипова, бинои муассисаи таҳсилоти томактабии рақами 2 шинос шуда, барои бо сифати баланд ва дар муҳлатҳои пешбинишуда ба истифода додани иншоот ба масъулин супоришҳо дод.
Мавриди тазаккур аст, ки дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар Конибодом бунёду навсозии 41 муассисаи таълимӣ ба нақша гирифта шудааст.
АКС аз манбаъҳои боз
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
