Дар Анталия бинобар тӯфон ба духтарони қадашон аз 160 см паст тавсия доданд, ки дар хона бимонанд

ДУШАНБЕ, 13.01.2023 /АМИТ «Ховар»/. Мақомоти Анталияи Туркия ба духтарони қадашон аз 160 сантиметр паст тавсия доданд, ки то хотимаёбии тӯфон дар хонаҳояшон интизор шаванд, хабар медиҳад нашрияи Antalya Hakkinda дар саҳифаи расмии худ дар Twitter.

ВАО-и маҳаллӣ гузориш медиҳанд, ки тӯфони баамаломада аллакай мавҷҳоро то панҷ-шаш метр боло бурда, дар маркази лижаронӣ тӯфони барфӣ оғоз шудааст — вазиши шамол дар як соат ба 60 километр мерасад.

Тибқи иттилои Сарраёсати обуҳавошиносӣ, дар минтақаҳои баҳрҳои Мармар, Эгей ва Миёназамин боришоти шадид идома хоҳад дошт — сокинони шаҳракҳо аз хатари тӯфон ва обхезӣ огоҳ карда мешаванд.

Чанде пеш дар иёлати Калифорнияи ИМА 12 нафар қурбони тӯфон гардиданд. Дар бораи 6 қурбонии офати табиӣ, аз ҷумла як кӯдак дар ғарби кишвар низ хабар дода шудааст.

Шаҳлои САДРИДДИН,
АМИТ «Ховар»,

АКС: Adel Salehi/CC0