Дар баъзе минтақаҳои Россия ҳарорати пасти ҳаво то минуси 60 дараҷа дар назар аст

ДУШАНБЕ, 12.01.2023 /АМИТ «Ховар» /. Дар рӯзҳои наздик дар вилояти Иркутск то 58 дараҷа, дар Якутия то 63 дараҷа ва дар кишвари Красноярск то 55 дараҷа хунукӣ дар назар аст. Дар вилоятҳои Оренбург, Пенза, Саратов низ ҳавои ғайримуқаррарии сард пешбинӣ шудааст. Тавре АМИТ «Ховар» иттилоъ медиҳад, дар ин бора имрӯз ба ТАСС роҳбари илмии Маркази обуҳавошиносии Россия Роман Вилфанд хабар дод.

«Дар Якутия 5 рӯзи оянда сардиҳои шадид боқӣ монда, дар вилояти Иркутск ва минтақаҳои шимолӣ ҳарорати ҳаво аз 12 то 14 январ то 58 дараҷа паст мешавад. Дар ду рӯзи оянда дар вилоятҳои Оренбург, Пенза ва Саратов ҳарорати ҳаво нуҳ дараҷа аз меъёр пасттар ва бештар аз он пешгӯӣ мешавад», — гуфт ӯ.

Тибқи иттилои Маркази обуҳавошиноии Россия, дар баъзе минтақаҳои Якутия ҳаво рӯзҳои 13 ва 14 январ то 58-63 дараҷа сард мешавад. Дар вилоятҳои Оренбург ва Пенза рӯзҳои наздик то 26-30 дараҷа ва дар вилояти Саратов то 22 дараҷа хунукӣ пешгӯӣ карда шудааст. Дар баъзе минтақаҳои кишвари Красноярск 12-14 январ то 52—55 дараҷа сармо дар назар дошта шудааст.

ДАР АКС: маркази зиддисиклон дар Якутия дар болои қутби сарди нимкураи Шимолии Оймякон воқеъ гардидааст.

Рӯзи чоршанбе, 11 январи соли 2023 дар деҳаи Оймякони Якутия ҳарорат то 60 дараҷа сард шуд. Чанде пеш чунин нишондод дар ноҳияи Оленеки Якутия сабт шуда буданд. Ба ибораи дигар, Россия бори дигар мақоми сардтарин кишварро тасдиқ кард. Аз се ду ҳиссаи қаламрави Россия дар минтақаи сардиҳои ғайримуқаррарӣ ҷойгир аст.

Имрӯз ҳарорати ҳаво дар Душанбе ба ҳолати соати 8:30-и субҳ 13 дараҷа хунук буд.

АКС аз манобеи боз