Дар ноҳияҳои Рашту Тоҷикобод иди Сада бо риояи суннатҳои аҷдодӣ ва шаҳомати хосса таҷлил карда шуд
РАШТ, 26.01.2023 /АМИТ «Ховар»/. Дар ноҳияҳои Рашту Тоҷикобод иди Сада бо риояи суннатҳои аҷдодӣ ва шукӯҳу шаҳомати хосса таҷлил карда шуд. Сокинон ва кишоварзон дар макони баргузории ин маросим гулхан афрӯхта, дар атрофи он шодиву хурсандӣ намуданд ва омодагии худро ба мавсими кишту кори баҳорӣ нишон доданд. Дар ин бора ба хабарнигори минтақавии АМИТ «Ховар» Субҳониддини МАҲМУД дар мақомоти иҷроияи ҳокимияти давлатии ин ноҳияҳо иттилоъ доданд.
Сада аз қадимтарин ҷашнҳои мардуми тоҷик ба ҳисоб рафта, бо шарофати Истиқлоли давлатии Ҷумҳурии Тоҷикистон аз нав эҳё гардидааст ва ҳамасола бо шукӯҳу шаҳомати хосса таҷлил карда мешавад. Аз ҷумла, дар ин ҷашни таърихӣ намоишҳои идона доир карда шуданд, ки аз маҳсулоти кишоварзӣ, ниҳол, гулу буттаҳо, тухмии зироати кишоварзӣ, олоти меҳнати марди деҳқон, маҳсулоти ҳунарҳои мардумӣ ва анвои гуногуни хӯрокҳои миллӣ иборат буданд. Ин намоишҳо далели меҳнати содиқонаву софдилонаи кишоварзони ноҳияҳои Рашту Тоҷикобод мебошанд.
Сада ҳамчун иди касбии кишоварзон ба ҳукми анъана даромада, таҷлили он башорат медиҳад, ки миллати куҳанбунёди мо дар партави сиёсати Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба арзишҳои гузаштаи фарҳангии хеш рӯ овардааст ва эҳёи онҳоро вазифаи бошарафи худ медонад. Ҷашни Сада ифодаи пайванди зиндагии инсонҳоро бо табиат буда, давраи омодагӣ ба истиқболи баҳору Наврӯз, инчунин кишту кори баҳорӣ ва дигар корҳои кишоварзӣ мебошад.
АКС: Мақомоти иҷроияи ҳокимияти давлатии ноҳияҳои Рашт ва Тоҷикобод
Дар Институти физикаю техника озмоишгоҳи замонавӣ ба истифода дода шуд
Дар мактаби миёнаи № 35-и шаҳри Минск ба номи Домулло Азизов барномаи фарҳангӣ доир шуд
Дар пояи муҷассамаи Ҳаким Абулқосим Фирдавсӣ дар шаҳри Рими Италия аз номи Пешвои миллат Эмомалӣ Раҳмон гулчанбар гузошта шуд
Дар Душанбе конференсияи байналмилалии «Густариши ҳамкории мамлакатҳои Осиёи Марказӣ дар бахши обу энергетика» идома меёбад
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
