Дар Россия ният доранд аз баҳори соли 2023 даъвати шахсони то синни 30-соларо ба артиш оғоз намоянд

Январь 12, 2023 12:41

ДУШАНБЕ, 12.01.2023 /АМИТ «Ховар»/. Сардори  Кумитаи мудофиаи Думаи давлатии Федератсияи Россия Андрей Картаполов дар мусоҳиба бо «Парламентской газетой» иброз кард, ки дар давраи даъвати баҳории соли 2023 метавонанд шахсони то синни 30-соларо  ба артиш даъват намоянд. Ба гуфтаи ӯ, болоравии синни даъват марҳила ба марҳила зиёд шуда, аз як то се солро дарбар мегирад.

Ба гуфтаи ў, барои роҳандозии ин амал,  ворид кардани як қатор тағйирот ба қонунгузории амалкунанда, аз ҷумла ба қонун «Дар бораи уҳдадориҳои ҳарбӣ ва хизмати ҳарбӣ» лозим аст.

Номбурда  ҳамчунин зикр кард, ки қабл аз оғози даъвати баҳорӣ ҳар як комиссариати ҳарбӣ бояд муайян намояд, ки чанд нафар бо талаботи нав ба қайд гирифта шудаанд.

Картаполов таъкид кард, ки агар  манзури   комиссариати ҳарбӣ 100 нафар аз синни  21 то 30-сола аст, ки адои хизмати ҳарбӣ накардаанду барои он асоси воқеӣ надоштанд,  аммо  супориши ҳарбӣ 200 нафар аст, пас нисфи онҳо шаҳрвандони 18-соларо ташкил дода, боқимонда русҳои аз 21 то 30-сола мебошанд.

Вакил тавзеҳ дод, ки ин таҷриба дар марҳилаҳои аввали гузаштан ба синну соли дараҷавии нав татбиқ мешавад. Вай ҳамчунин зикр кард, ки шаҳрвандони то 30-сола метавонанд дар давраи даъвати баҳории имсол ба комиссариатҳои ҳарбӣ раванд.

Қаблан, рӯзи 21 декабр вазири мудофиаи Россия Сергей Шойгу пешниҳод кард, ки ба тадриҷ синни даъват аз 18 ба 21 ва синни ҳадди ниҳоии даъват аз 27 то 30-солагӣ боло бурда шавад. Дар кадом муҳлатҳо синну соли даъват ба артиш тағйир меёбад, сардори раёсати мазкур дар суханронии худ мушаххас накард.

 АКС: foto-ram.ru

Январь 12, 2023 12:41

Хабарҳои дигари ин бахш

Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид