Федератсияи футболи Тоҷикистон ва Ассотсиатсияи футболи Чин ҳамкории дуҷонибаро баррасӣ намуданд
ДУШАНБЕ, 26.01.2023 /АМИТ «Ховар»/. Имрӯз, 26 январ дар шаҳри Душанбе мулоқоти кории роҳбарияти Федератсияи футболи Тоҷикистон ва ҳайати Ассотсиатсияи футболи Чин (CFA) баргузор гардид. Дар ин бора ба АМИТ «Ховар» дар Федератсия футболи Тоҷикистон хабар доданд.
Дар мулоқот аз ҷониби Тоҷикистон ноиби Президенти Федератсияи футболи мамлакат Алишер Урунов, дабири кулли ФФТ Фурқат Ахмедҷонов ва сардори раёсати байналмилалии ФФТ Давлатманд Исломов, аз ҷониби Чин муовини Дабири кулли Ассотсиатсияи футболи Чин Си Хе, сардори департаменти мусобиқаҳои АФЧ Сонг Хуан ва корманди департаменти миллии рушди футболи АФЧ Ючен Юе ширкат карданд.
Ҷонибҳо дурнамои ҳамкории минбаъдаи федератсияҳои футбол, баргузории бозиҳои байналмилалии дӯстона байни дастаҳои мунтахаби гуногуни мардонаю занона, ҷавонон ва футзали ҳарду кишварро муфассал баррасӣ намуданд. Ҳамчунин таҳияи барномаҳои муштараки таълими мураббигӣ, таблиғи футболи занону наврасон, ҳамкорӣ дар бахшҳои маркетинг, тиб, доварӣ ва дигар бахшҳои футбол ба нақша гирифта шуд.
Алишер Урунов таъкди намуд, ки Федератсияи футболи Тоҷикистон ва Ассотсиатсияи футболи Чин дар ҳама самтҳо ҳамкории зичро идома хоҳанд дод.
Муовини Дабири кулли Ассотсиатсияи футболи Чин Си Хе гуфт, ки «мо ба сатҳи ҳамкории худ бо Федератсияи футболи Тоҷикистон баҳои баланд медиҳем. Дастаҳои мунтахаби ду мамлакат дар мусобиқаҳои сатҳи гуногун бо ҳам вомехӯранд».
Си Хе дастаи мунтахаби миллии футболи Тоҷикистонро барои баромадан ба Ҷоми Осиё-2023 табрик гуфта, ба варзишгарон дар қисмати ниҳоии мусобиқот барору комёбӣ таманно намуд.
Акс: ФФТ
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
РӮЗИ ҶАҲОНИИ ФУТБОЛ – 25 МАЙ: Дипломатияи варзишии Рустами Эмомалӣ дар сатҳи ҳуқуқи байналмилалӣ
Ҳайати васеи дастаи мунтахаби Тоҷикистон барои бозиҳои дӯстонаи моҳи июн эълон гардид
РӮЗИ ҶАВОНОН. Дар Москва бо варзишгарони тоҷик, аз ҷумла варзишгарони параолимпӣ вохӯрӣ баргузор гардид
Мадина Қурбонзода: «Бо роҳнамоиҳои Пешвои миллат тавонистам дар мусобиқоти сатҳи баланд Парчами давлатиро парафшон созам»
Бахшида ба Рӯзи ҷаҳонии футбол дар Кӯлоб барномаи бошукуҳи варзишию фарҳангӣ доир шуд
