ИСТЕҲСОЛИ 21 МИЛЛИАРДУ 399,5 МИЛЛИОН КВТ-СОАТ НЕРУИ БАРҚ. Соли 2022 дар низоми энергетикии Тоҷикистон баландтарин нишондиҳанда ба даст омад
ДУШАНБЕ, 30.01.2023 /АМИТ «Ховар»/. Соле, ки сипарӣ гардид, Тоҷикистон 21 миллиарду 399,5 миллион кВт-соат неруи барқ истеҳсол намуд, ки ин баландтарин нишондиҳанда дар давраи фаъолияти низоми энергетикии мамлакат мебошад. Ин нуктаро Вазири энергетика ва захираҳои оби Ҷумҳурии Тоҷикистон Далер Ҷумъа имрӯз дар Душанбе дар ҷамъи хабарнигорони дохиливу хориҷӣ иброз намуд.
Вазири энергетика ва захираҳои оби мамлакат гуфт, ки ин омор нисбат ба соли 2021 775,7 миллион кВт-соат зиёд буда, суръати афзоиш 103,8 фоизро ташкил медиҳад.
Дар нишасти мазкур таъкид гардид, ки моҳи марти соли гузашта дар доираи татбиқи 20 лоиҳаи давлатии сармоягузории соҳаи электроэнергетика агрегати 3-юми Неругоҳи барқи обии «Сарбанд» ва моҳи октябри соли 2022 агрегати якуми НБО «Норак» баъди таҷдид расман ба истифода дода шуданд. Дар маросими ба истифода додани он Президенти Ҷумҳурии Тоҷикистон муҳтарам Эмомалӣ Раҳмон иштирок намуданд.
Дар ин давра инчунин зеристгоҳҳои барқии «Рӯдакӣ» бо иқтидори 100/10 кВ дар ноҳияи Восеъ, «Вознавд 110/35/10кВ» ва «Даштаки Ванҷ 110/35/10» дар Вилояти Мухтори Кӯҳистони Бадахшон мавриди истифода қарор дода шуданд.
АКС: АМИТ «Ховар»
Дар Тоҷикистон ҳаҷми истеҳсоли қолин афзоиш ёфтааст
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
