Истеъмоли аз ҳад зиёди равғани зард боиси дилбеҳузурии 48 нафар сокинони ноҳияи Шамсиддини Шоҳин шуд
ДУШАНБЕ, 26.01.2023 /АМИТ «Ховар»/. Мавҷудияти аз ҳад зиёди равғани зард ҳангоми истеъмоли таоми қурутоб 24 январ боиси сироятёбии 48 сокини деҳаи Чагани нави ноҳияи Шамсиддини Шоҳини вилояти Хатлон гардид. Хушбахтона, натиҷаи таҳлилҳои озмоишгоҳӣ нишон дод, ки шаҳрвандон ба ягон ҳолати заҳролудшавӣ мубтало нашудаанд. Танҳо истеъмоли аз ҳад зиёди равғани зард дар қурутоб боиси дилбеҳузурии онҳо гардидааст. Дар ин бора ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии мамлакат иттилоъ доданд.
Тибқи супориши Вазири тандурустӣ ва ҳифзи иҷтимоии аҳолии мамлакат, сармутахассисони соҳавии вазорат аз шаҳри Душанбе ба ноҳияи мазкур сафарбар карда шуданд.
Иттилоъ дода шуд, ки 24 январ, соати 08:00-и субҳ пас аз истеъмоли хӯроки қурутоб 48 нафар аз сокинони деҳаи мазкур дар худ дилбеҳузурӣ ҳис намуданд. Дар натиҷаи андешидани тадбирҳои зарурӣ 24 нафари онҳо дар Беморхонаи сироятии шаҳри Кӯлоб ва 24 нафари дигар дар Беморхонаи ҷамоати деҳоти мазкур бистарӣ карда шуданд.
Ба иттилои масъулин, ҳангоми ворид шудани маризон ба беморхонаҳо ҳолати онҳо нисбатан қаноатбахш арзёбӣ карда шуд. Хушбахтона, дар байни онҳо беморони вазнин набуд.
Беморон як шабонарӯз дар беморхонаҳо таҳти назорати табибон қарор гирифта, 25 январ дар ҳолати қаноатбахш ба хонаҳояшон рухсат дода шуданд. Онҳо дар айни замон таҳти назорати табибони оилавӣ қарор доранд.
АКС аз манбаъҳои боз
Кумакҳои Пешвои миллат Эмомалӣ Раҳмон ба сокинони зарардидаи шаҳри Кӯлоб расонида шуданд
Даври ҷумҳуриявии Фестивал-озмуни «Як матову сад ранг» ва намоиш-фурӯши маҳсулоти ҳунармандӣ доир мешавад
5 май дар баъзе минтақаҳои Тоҷикистон сар задани сел дар назар аст
Ғолибони даври ниҳоии Олимпиадаи ҷумҳуриявии донишҷӯёни муассисаҳои таҳсилоти миёнаи касбӣ қадрдонӣ карда шуданд
Дар Кӯлоб бо мақсади бартарафсозии оқибатҳои офати табиӣ ҷаласаи навбатии ситоди вилоятӣ доир гардид
Дар Кӯлоб бо иштироки Сарвазири Тоҷикистон ҷаласаи Ситоди ҷумҳуриявӣ баргузор шуд
Бо супориши Президенти Ҷумҳурии Тоҷикистон муҳтарам Эмомалӣ Раҳмон Сарвазири Тоҷикистон Қоҳир Расулзода ба шаҳри Кӯлоб сафар намуд
ОГОҲӢ. Дар баъзе шаҳру ноҳияҳои Тоҷикистон то 4 май хавфи сар задани сел боқӣ мемонад
Дар шаҳри Кӯлоб дар пайи бориши пай дар пай сел омада, ба хонаҳои сокинон хисорот расид
Собиқадори хизмати давлатӣ Тоҳир Рашид: «Обод намудани Ватан ибодат ва аз гӯшаи имон аст»
Дар Душанбе густариши ҳамкории Тоҷикистону Покистон дар соҳаи меҳнат ва касбомӯзӣ баррасӣ гардид
Тоҷикистон ва Бавария ҳамкориро дар самти таҳсилоти касбӣ густариш медиҳанд
