Ҷон Керри мубориза бо тағйирёбии иқлимро ба Ҷанги дуюми ҷаҳон баробар кард

Январь 18, 2023 11:41

ДУШАНБЕ, 18.01.2023 /АМИТ «Ховар»/. Барои расидан ба ҳадафи   созишномаи Париж оид ба тайғирёбии иқлим ва роҳ надодан ба баландшавии ҳарорати ҳаво беш аз ҳадди 1,5 дараҷаи Селсия то ҳанӯз имкон мавҷуд аст, аммо барои ин бояд ба ҳалли ин мушкилӣ ҳамчун пирӯзӣ дар Ҷанги дуюми ҷаҳонӣ муносибат кард. Тавре  АМИТ «Ховар» бо истинод ба ТАСС хабар медиҳад, дар ин бора намояндаи махсуси президенти Амрико оид ба  иқлим Ҷон Керри рӯзи сешанбе зимни суханрониаш  дар Форуми ҷаҳонии иқтисодӣ (WEF) дар Давос изҳор дошт.

«Мо ҳанӯз ин имконро [дар доираи 1,5 дараҷа нигоҳ доштани гармиро] аз даст надодаем. Ҳанӯз имкони ноил шудан ба ин мавҷуд аст, агар мо ба он ҳамчун як мушкилоти воқеӣ, мисле, ки дар Ҷанги дуюми ҷаҳонӣ [мо ғалаба ба даст овардем] муносибат кунем. Он вақт мо мефаҳмидем, ки барои ғалаба, ки соли 1943 ба он комилан боварӣ надоштем, назоратро дар  осмон ва баҳр <…> муқаррар кардан зарур аст ва мо онро кардем»,-гуфт ӯ.

Ин мансабдор ёдовар шуд, ки барои 80% тамоми партовҳо 20 иқтисоди ҷаҳонӣ масъуланд. «Барои ҳалли мушкилот бояд сараввал итминон дошт, ки ҳамаи ин кишварҳо, аз ҷумла ИМА, Чин, Россия, Ҳиндустон, Индонезия, Мексика, Бразилия он кореро анҷом медиҳанд, ки бояд кунанд. Онҳо бояд сари мизи гуфтушунид нишинанд ва роҳи ҳалли масъаларо ҷустуҷӯ намоянд, аммо вақти барои ин ҷудошуда ба охир мерасад»- ишора намуд Керри.

Вай шубҳае надорад, ки ҷаҳон ба иқтисоди камкарбон мегузарад, аммо мутмаин нест, ки ин кор сари вақт амалӣ мешавад ва ба сайёра имкон медиҳад, ки аз «бадтарин оқибатҳое, ки ба миллионҳо одамон таъсир мерасонанд», канорагирӣ карда шавад. «Аз 20 кишваре, ки аз тағйирёбии иқлим бештар осеб дидаанд, 17-тояш дар Африқоянд»,-илова кард  ӯ.

София ШОИК,
АМИТ
«Ховар»

АКС аз бойгонӣ

Январь 18, 2023 11:41

Хабарҳои дигари ин бахш

СММ барои аз байн бурдани маҳдудияти таҳсил ва кори занони Афғонистон берун аз хона талош хоҳад кард
БОРИШИ БАРФ ШИМОЛИ ҲИНДУСТОНРО ПӮШОНД. Аз сабаби бориши зиёд хатҳои интиқоли барқ хароб шудаанд
COVID-19. СУТ дар бораи 13% афзоиш ёфтани фавт бар асари коронавирус хабар дод
Коршиносони ИДМ масоили ҳамкориро дар соҳаи тандурустии аҳолӣ ва иттилоотонӣ оид ба ҳифзи саломатӣ баррасӣ карданд
Қазоқистон содироти пиёзро барои се моҳ манъ кард
Дар Афғонистон беш аз 20 нафар қурбони сардиҳо шуданд
Россия ва Эрон метавонанд ба ҳисоббаробаркуниҳо бо арзи маҷозӣ (криптовалюта) гузаранд
Интихоботи навбатии президентӣ дар Россия бо иштироки Владимир Путин мегузарад
Аз моҳи декабр дар Чин бар асари COVID-19 тақрибан 60 000 нафар фавтиданд
ДАВЛАТҲОИ ҶАНУБ ДАР МАДДИ АВВАЛ ҚАРОР МЕГИРАНД. Сарвазири Ҳиндустон бар он аст, ки кишварҳои рӯ ба тараққӣ рушди иқтисоди ҷаҳониро дар асри XXI таъмин менамоянд
Дар Анталия бинобар тӯфон ба духтарони қадашон аз 160 см паст тавсия доданд, ки дар хона бимонанд
Reuters: ИМА ба Аврупои Шарқӣ танкҳои сершумор интиқол медиҳад