Пули мошингузари шоҳроҳи Панҷакент-Айнӣ дар муддати кӯтоҳ таъмир мегардад
ДУШАНБЕ, 10.01.2023 /АМИТ «Ховар»/. Пули мошингузари шоҳроҳи Панҷакент- Айнӣ, ки ба асари офатҳои табиӣ қисмати муҳофизатӣ ва обгузари он зиён дида буд, дар муддати кӯтоҳ ва босифат таъмир карда мешавад. Дар ин бора АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад.
Намояндаи Ҳукумати мамлакат, Президенти Академияи миллии илмҳои Тоҷикистон Фарҳод Раҳимӣ ва муовини Раиси вилояти Суғд Зариф Мирдадо ҳамроҳи Раиси шаҳри Панҷакент Абдухолиқ Холиқзода дар канори деҳаи Рӯзи обнок бо рафти таъмири пули мошингузари шоҳроҳи мазкур шинос шуда, ба сардори Муассисаи давлатии истифодаи роҳҳои мошингарди шаҳр дастур доданд, ки корҳои таъмири пулро дар муддати кӯтоҳ ва босифат анҷом диҳанд.
Мавриди зикр аст, ки таъмиру таҷдид ва бунёди роҳу пулҳо, нақбҳои нақлиётӣ аз иқдомҳои шоиста аст, ки дар солҳои соҳибистиқлолӣ бо роҳнамоии Пешвои миллат муҳтарам Эмомалӣ Раҳмон амалӣ мешаванд.
Тавре дар Паёми имсола Сарвари давлат иброз намуда буданд, бо мақсади беҳтар намудани вазъи роҳу шоҳроҳҳои мошингард ва ба кишвари транзитӣ табдил додани Тоҷикистон дар 5 соли охир дар соҳаи нақлиёт 13 лоиҳаи сармоягузории давлатӣ ба маблағи 5 миллиарду 130 миллион сомонӣ амалӣ гардида, дар натиҷа 250 километр роҳҳои мошингард, 42 пул, 4 долон ва якчанд эстакада бунёд карда шуданд.
Ҳоло дар соҳа боз 17 лоиҳаи сармоягузории давлатӣ ба маблағи умумии 11 миллиард сомонӣ амалӣ гардида истодааст.
Дар се соли оянда 6 лоиҳа ба маблағи 7,4 миллиард сомонӣ ба анҷом расида, 317 километр роҳи байналмилалии мошингард, 32 пул, 5 нақб бо дарозии 11,2 километр ва 7 долон ба истифода дода мешавад.
Ҳамзамон Пешвои миллат дар ин ҷода ба роҳбарони вилоятҳо ва шаҳру ноҳияҳои мамлакат супориш доданд, ки бо истифода аз имконияту ташаббусҳои созандаи соҳибкорону шахсони саховатманд корҳоро дар самти бунёду азнавсозии роҳҳои дохиливу байни деҳаҳо, маҳалҳои аҳолинишин ва марказҳои шаҳру ноҳияҳо фаъол гардонанд.
София ШОИК,
АМИТ «Ховар»
АКС: МИҲД-и шаҳри Панҷакент
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
