ТАҚВИМИ АМИТ «ХОВАР»: имрӯз 27 январ, ҷумъа, 27-умин рӯзи соли 2023 аст

27 январи соли 2013 Президенти Ҷумҳурии Тоҷикистон Эмомалӣ Раҳмон  ва  Президенти  Туркманистон Гурбонгулӣ Бердимуҳамедов ба муносибати бист солагии  барқароршавии муносибатҳои дипломатӣ байни Ҷумҳурии Тоҷикистон ва Туркманистон  табодули  барқияҳои шодбошӣ  намуданд.

***

27 январи соли 2017  Дар шаҳри Душанбе Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ҷаласаи Шӯрои ҷамъиятии Ҷумҳурии Тоҷикистон иштирок ва суханронӣ намуданд.

***

27 январи соли 2004 Гвардияи президентӣ ба Гвардияи миллии Тоҷикистон тағйири ном кард.

 27 ЯНВАР:

Рӯзи байналмилалии хотираи қурбониёни Ҳолокост.

РӮЙДОДҲО:

27 январи соли 1993  байни Ҷумҳурии Тоҷикистон ва Туркманистон муносиботи дипломатӣ барқарор карда шуд.

***

27 январи соли 2017 дар шаҳри Душанбе  ҷаласаи 14-уми Комиссияи байниҳукуматии  Ҷумҳурии  Тоҷикистон ва Федератсияи  Русия  оид ба ҳамкории  иқтисодӣ  баргузор гардид.

***

27 январи соли 1935 дар бозии ниҳоии чемпионати Америкаи Ҷанубӣ оид ба футбол дастаи Уругвай дастаи Аргентинаро бо ҳисоби 3:0 мағлуб кард.

 ИНЧУНИН ДАР ИН РӮЗ …

 Соли 1916 Манитоба аввалин музофоти Канада шуд, ки дар он ба занҳо ҳуқуқи интихоб дода шуд.

 ***

Соли 1948  дар Америка аввалин магнитофони  ширкати «Wire Recording Corporation of America»  ба фурӯш бароварда шуд, ки 149,5 доллар арзиш дошт.