Тарғиби ҳамаҷонибаи нуктаҳои муҳими Паёми Пешвои миллат дар идораву муассисаҳои Бадахшон ба роҳ монда шуд
ДУШАНБЕ, 20.01.2023 /АМИТ «Ховар»/. Дар Вилояти Мухтори Кӯҳистони Бадахшон дар ҳамоише дар заминаи шарҳу тавзеҳи нуктаҳои муҳими Паёми Президенти мамлакат муҳтарам Эмомалӣ Раҳмон ба Маҷлиси Олӣ ҳамчунин фаъолияти соҳаи иҷтимоии вилоят, тарғиби ҳамаҷонибаи Қонуни Ҷумҳурии Тоҷикистон «Дар бораи риояи забони давлатӣ» дар идораву муассисаҳо, ба шуғл фаро гирифтани занону бонувон, ҷалби ҷавонони вилоят ба тарғиби дастовардҳои замони соҳибистиқлолӣ ва беҳбуд бахшидан ба таълиму тарбия мавриди баррасӣ қарор дода шуд. Дар ин бора АМИТ «Ховар» бо истинод ба Мақомоти иҷроияи ҳокимияти давлатии ВМКБ хабар медиҳад.
Раиси вилоят Алишер Мирзонабот нахуст аз нуктаҳои муҳими Паёми навбатӣ дар самти рушди иқтисодиву иҷтимоии кишвар ёдовар шуда, таъкид кард, ки дар баробари дигар самтҳои хоҷагии халқ дар Паём таваҷҷуҳи роҳбарияти олии мамлакат ба рушди иҷтимоӣ, хусусан бунёди муассисаҳои нави таълимӣ ва муҷаҳҳаз бо шароити ҳозиразамон ҷалб равона гардидааст. Дар Паём диққати асосӣ ба баланд бардоштани мақому манзалати занону ҷавондухтарон ба вазифаҳои роҳбарикунанда равона гардида, Пешвои миллат муҳтарам Эмомалӣ Раҳмон таъкид намуданд, ки «ман ба неруи созандаи ҷавонону бонувони мамлакат боварӣ ва эътимоди калон дорам».
Ҳамчунин Раиси вилоят ба муовинони идеологии шаҳру навоҳии вилоят, шуъба ва бахшҳои соҳаи иҷтимоӣ, аз ҷумла занону ҷавонон, маорифу Кумитаи иҷроияи ҲХДТ дар шаҳру ноҳияҳо ҷиҳати боз ҳам беҳтар намудани фаъолияти корӣ, риояи интизоми меҳнат ва дар сатҳи баланд донистани забони давлатӣ дастуру супоришҳои мушаххас дод.
Дастур дода шуд, ки сохторҳои марбута бояд вобаста ба фаҳмонидани ҳар банди Паёми навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳраку деҳот кор бурда, сокинонро аз рушду пешрафти шаҳру навоҳии вилоят воқиф гардонанд.
Акс: МИҲД ВМКБ
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
Дар Тоҷикистон соли 2026 ҳаҷми маблағи кумакпулии унвонии иҷтимоӣ бештар гардидааст
БАРНОМАИ РУШДИ РОҲНАМОИ КАСБ. Татбиқи он имкон медиҳад, ки шумораи аҳолии бо ҷойи кор таъминшуда ҳамасола 2-2,2 фоиз афзоиш ёбад
«ЧИЛ ДУХТАРИ ТОҶИК БО ЧИЛ ГЕСӮИ ДАРОЗ». Таҳти ин унвон намоиши либосҳои миллӣ баргузор гардид
Шумораи аҳолии машғул ба фаъолияти иқтисодӣ дар Тоҷикистон беш аз 2 миллион нафарро ташкил медиҳад
