ВАО: бар асари таркиш дар назди Вазорати корҳои хориҷии Афғонистон 21 нафар ба ҳалокат расиданд

ДУШАНБЕ, 12.01.2023 /АМИТ «Ховар»/. Рӯзи чоршанбе, 11 январ бар асари таркиш дар маркази Кобул дар назди бинои Вазорати корҳои хориҷии Афғонистон, ки  дар он ҳокимиятро ҳаракати ифротии «Толибон*» ғасб кардааст, 20 нафар ба ҳалокат расиданд. Тавре АМИТ «Ховар» хабар медиҳад, дар ин боро рӯзномаи «Hasht-e Subh» бо истинод ба манбаъҳои худ навиштааст.

Бино ба иттилои нашрия, тақрибан 21 нафар кушта ва 25 каси дигар захмӣ шудаанд.

Қаблан шабакаи телевизионии Al Jazera дар бораи 7 қурбонӣ ва 10 захмӣ хабар дода буд.

Тавре дар саҳифаи Twitter-и худ муовини раиси дафтари муовини сарвазир дар ҳокимияти муваққатии толибон Аҳмадулло Муттакӣ ишора кардааст, рӯзи чоршанбе террористи маргталаб кӯшиши намудааст, ки ба бинои Вазорати корҳои хориҷӣ ворид шавад.

Ба гуфтаи Муттакӣ,  террористро посбонон дар назди дари бино муайян карда шуд, ки баъди он ӯ таркиш ба амал овард.

Шаҳлои САДРИДДИН,
АМИТ «Ховар»

__________________

*«Толибан»-ҳаракати террористии мамнуъ дар Тоҷикистон ва соири кишварҳо

АКС: © Bilal Güler/ Anadolu Agency via Getty Images