30-СОЛАГИИ ҚУВВАҲОИ МУСАЛЛАҲ. Барои сарбозони дидбонгоҳи сарҳадии Фархор 150 нусха китоб тақдим гардид
ДУШАНБЕ, 22.02.2023 /АМИТ«Ховар»/. Бахшида ба 30-солагии таъсиси Қувваҳои Мусаллаҳи Ҷумҳурии Тоҷикистон роҳбарияти Донишгоҳи байналмилалии забонҳои хориҷии Тоҷикистон ба номи Сотим Улуғзода ба Ситоди комендатураи раёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар ноҳияи Фархор рафта, бо афсарону сарбозон мулоқоти судманд анҷом дод. Ҳамзамон ба китобхонаи дидбонгоҳи сарҳадӣ 150 нусха адабиёти илмӣ, бадеӣ ва тарбиявӣ тақдим карда шуд. Дар ин хусус АМИТ «Ховар» бо истинод ба Донишгоҳи мазкур хабар медиҳад.
Дар вохӯрӣ оид ба ғамхорӣ ва дастгириҳои пайвастаи Ҳукумати Ҷумҳурии Тоҷикистон, хосса Президенти Тоҷикистон муҳтарам Эмомалӣ Раҳмон нисбат ба сарбозони ватандӯсту далери Ватан ибрози назар карда шуд.
Бояд гуфт, ки бо ташаббуси раёсати Донишгоҳ баҳри болидахотирии сарбозон барномаи хотирмони фарҳангӣ — фароғатӣ, ки саршор аз суруду рақсҳои зебо ва шеърҳои баландмазмун буд, дар сатҳи баланд манзур карда шуд. Ҳамчунин аз ҷониби Донишгоҳ ба афсарону сарбозон дастархони идона ороста шуд.
Бояд гуфт, ки мулоқот бо афсарону сарбозони дидбонгоҳҳои сарҳадӣ ва қисмҳои ҳарбӣ аз ҷониби раёсати Донишгоҳи байналмилалии забонҳои хориҷии Тоҷикистон ба ҳукми анъана даромада, минбаъд низ идома меёбад.
АКС: Донишгоҳи байналмилалии забонҳои хориҷии Тоҷикистон
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
