30-СОЛАГИИ ҚУВВАҲОИ МУСАЛЛАҲ. Дар қисми ҳарбии шаҳри Конибодом Рӯзи шиносоӣ доир карда шуд

Февраль 14, 2023 19:10

СУҒД, 14.02.2023 /АМИТ «Ховар»/. 12 феврал бо ташаббуси Кумитаи иҷроияи Ҳизби Халқии Демократии Тоҷикистон дар шаҳри Конибодом ба муносибати 30-солагии таъсисёбии Қувваҳои Мусаллаҳи Ҷумҳурии Тоҷикистон дар қисми ҳарбӣ барои хонандагони муассисаҳои таълимӣ Рӯзи шиносоӣ баргузор карда шуд. Дар ин хусус ба мухбири минтақавии АМИТ «Ховар» Саъдулло Маҳкам дар маркази  матбуоти Раиси шаҳри Конибодом хабар доданд.

Дар ҷамъомад роҳбарияти шаҳри Конибодом, намояндагони Кумитаи иҷроияи Ҳизби Халқии Демократии Тоҷикистон дар вилояти Суғд, вакилони маҷлиси вилоятӣ ва шаҳрӣ, падару модарон иштирок намуда, бо сарбозон роҷеъ ба 30 соли таърихи таъсиси Артиши миллӣ, саҳми ҷавонони содиқу ватандӯсти тоҷик дар таъмини тинҷиву осудагии халқу ватан суҳбат анҷом доданд.

Бояд гуфт, ки бо шарофати сиёсати дурандешона ва хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мамлакати мо дар ҷаҳон муаррифӣ шуда, имрӯз чун ҷумҳурии дорои тамаддун ва арзишҳои бой эътибор пайдо кардааст. Таъкид шуд, ки имрӯз давлату ҳукумат масъулияти басо муҳим — ҳимояи арзишҳои давлатдориро ба сарбозони шуҷои Ватан бовар намудаанд.

Сипас иштирокдорон аз шароити қисми ҳарбӣ ва ҷараёни хизмати сарбозон дидан намуданд. Хонандагони муассисаҳои таълимӣ бо тарзи истифодаи яроқ ва ҳаёти хизматии сарбозону афсарон шинос шуданд. Аз ҷониби модарон ба сарбозону афсарон нону шириниҳо ва туҳфаҳо тақдим карда шуданд.

Тибқи нақшаи чорабиниҳои Мақомоти иҷроияи ҳокимияти давлатии вилояти Суғд бахшида ба 30-солагии Рӯзи Қувваҳои Мусаллаҳи Ҷумҳурии Тоҷикистон дар тамоми шаҳру ноҳияҳои вилоят гузаронидани вохӯриву ҳамоиш бо сарбозону афсарон ҷараён дорад.

Сурат-гузориш аз Рӯзи шиносоӣ дар қисми ҳарбии шаҳри Конибодом пешниҳод мешавад:

АКС: Дафтари матбуоти Раиси шаҳри Конибодом

Февраль 14, 2023 19:10

Хабарҳои дигари ин бахш

Дар шаҳри Кӯлоб машқҳо ва амалиёти низомӣ доир шуданд
Академияи миллии илмҳои Тоҷикистон дар таҳкими Артиши миллии Тоҷикистон тавассути омодасозии мутахассисон саҳм мегузорад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Муовини Сарвазири Тоҷикистон бо вазъи соҳаи кишоварзии шаҳри Истаравшан шинос шуд
Беш аз 700 соҳибкори Бадахшон бо дастгоҳи назоратӣ-хазинавӣ таъмин мешавад
«ПАЁМ — РОҲНАМО БАРОИ ИҶРОИ ҲАДАФҲОИ ШОИСТА». Таҳти ин унвон ҳамоиши илмӣ-назариявӣ баргузор шуд
Дар мақомоти Ваколатдор бахшида ба 32-солагии таъсиси Қувваҳои Мусаллаҳ ҳамоиши идона доир гардид
БӮЙИ БАҲОР МЕРАСАД. Тоҷикистониёнро дар ин фасл чӣ гуна ҳаво интизор аст?
Имрӯз дар шаҳри Душанбе ҳаво то 17 дараҷа гарм мешавад
Дар қисми низомӣ дар вилояти Суғд Рӯзи дарҳои кушод доир гардид
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд