Агентии назорат дар соҳаи маориф ва илм: 900 муассисаи таълимӣ аз санҷиши сатҳи сифати таҳсил гузаронида шуд
ДУШАНБЕ, 09.02.2023 /АМИТ «Ховар»/. Ҷиҳати муайян намудани сифати дониш ва сатҳи донишазхудкунии хонандагону донишҷӯён соли 2022 900 муассисаи таълимӣ аз санҷиши сатҳи сифати таҳсил гузаронида шуданд, ки нисбат ба соли 2021 80 муассисаи таълимӣ зиёд мебошад. Дар ин хусус имрӯз зимни нишасти матбуотӣ оид ба ҷамъбасти соли 2022 Директори Агентии назорат дар соҳаи маориф ва илми назди Президенти Ҷумҳурии Тоҷикистон Икром Субҳонзода иттилоъ дод.
Икром Субҳонзода иброз дошт, ки «аз натиҷаи санҷишҳо маълум гардид, ки дар муқоиса ба солҳои қаблӣ дар самти асосҳои меъёрии ҳуқуқӣ, мустаҳкам намудани заминаи моддию техникӣ ва таъминоти кадрии муассисаҳои таълимӣ, ки омилҳои асосии баландбардории сифати таҳсил маҳсуб мешаванд, тағйироти мусбат ба мушоҳида мерасад».
Иттилоъ дода шуд, ки дар давраи ҳисоботӣ амали иҷозатномаи 15 муассисаи таълимӣ, ки ба талаботи санадҳои меъёрии ҳуқуқӣ мувофиқат намекарданд, тибқи дархости муассисон дар асоси қарори ҷаласаи ҳайати мушовара бозхонд ва қатъ карда шуд.
Соли 2022 дар асоси дархости 5 муассисаи таҳсилоти ибтидоии касбӣ ба пешбурди фаъолияти таълимии 7 ихтисоси нав, 14 муассисаи таҳсилоти миёнаи касбӣ ба пешбурди фаъолияти таълимии 57 ихтисоси нав ва 12 муассисаи таҳсилоти олии касбӣ ба пешбурди фаъолияти таълимии 48 ихтисоси нав аз ҷониби Агентӣ иҷозат дода шуда, ба замимаи иҷозатномаҳои ин муассисаҳо тағйирот ворид карда шуд.
Дар маҷмӯъ, агарчи сифати дониш ва сатҳи донишазхудкунӣ дар муассисаҳои таълимии шаҳру ноҳияҳои ҷумҳурӣ мутаносибан хуб аст, вале ҳанӯз нокифоя арзёбӣ мегардад, зеро ба талаботи меъёрҳои муайяншуда ҷавобгӯ нест.
Зимни нишасти матбуотӣ гуфта шуд, ки дар раванди гузаронидани аттестатсияи давлатӣ ва санҷиши сатҳи сифати таҳсил аз ҷониби кормандони Агентии назорат дар соҳаи маориф ва илм ба омӯзгорони муассисаҳои таълимӣ тавсияҳо дода шуда, ёрии амалию методӣ расонида шуд. Инчунин оид ба баланд бардоштани сатҳи сифати таҳсил дар муассисаҳои таълимӣ корҳои фаҳмондадиҳӣ гузаронида мешаванд.
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
ПАЁМ-РОҲНАМОИ ИМРӮЗУ ФАРДОИ ДУРАХШОН. Дар Донишгоҳи миллии Тоҷикистон ҳамоиши илмӣ-назариявӣ баргузор гардид
ПАЁМИ ПРЕЗИДЕНТ-РОҲНАМОИ ИМРӮЗУ ФАРДО. Оид ба он дар Донишгоҳи давлатии Кӯлоб ҳамоиш доир гардид
Президенти Тоҷикистон: «Омӯзиши забонҳои хориҷӣ аз зинаи таҳсилоти томактабӣ ба роҳ монда шавад»
Дар 5 соли оянда барои фарогирии 50 фоизи кӯдакони синни томактабӣ бунёди 800 муассисаи таҳсилоти томактабӣ зарур аст
Дар заминаи Донишкадаи технология ва менеҷменти инноватсионии шаҳри Кӯлоб Донишгоҳи инноватсия ва технологияҳои рақамӣ таъсис меёбад
Эмомалӣ Раҳмон: «Дар замони соҳибистиқлолӣ беш аз 117 ҳазор ҷавонон барои таҳсил ба донишгоҳҳои бонуфузи пешрафтаи ҷаҳон фиристода шуданд»
