«Алянс Франсез Хуҷанд» ба барқарорсозии ҳамкорӣ байни муассисаҳои олии Тоҷикистон ва Фаронса мусоидат менамояд
ДУШАНБЕ, 20.02.2023 /АМИТ «Ховар»/. Соли 2022 дар шаҳри Хуҷанд Ташкилоти ҷамъиятии «Алянс Франсез Хуҷанд» ифтитоҳ гардид, ки ба барқарорсозии ҳамкорӣ байни муассисаҳои олии Тоҷикистон ва Фаронса мусоидат менамояд. Дар ин бора 18 феврал зимни вохӯрӣ бо намояндагони Сафорати Фаронса дар мақомоти иҷроияи ҳокимияти давлатии вилояти Суғд ибрози назар карда шуд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Дар вохӯрӣ аз сатҳи кунунии муносибатҳои дӯстонаи Тоҷикистон ва Фаронса изҳори қаноатмандӣ карда шуд.
Таъкид гардид, ки дар партави сиёсати башардӯстонаи хориҷии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Фаронса Эммануел Макрон ва дар доираи санадҳои дуҷониба ҳамкорӣ дар соҳаҳои фарҳанг, илму маориф ва техника байни Тоҷикистон ва Фаронса дар сатҳи барои ҳарду ҷониб мувофиқ идома дорад.
Тавре таъкид карда шуд, байни Донишгоҳи давлатии Хуҷанд ба номи академик Бобоҷон Ғафуров ва Донишгоҳи Экс-Махсейи шаҳри Марсел шартномаи ҳамкорӣ оид ба омӯзиши забонҳои тоҷикӣ ва фаронсавӣ имзо карда шудааст.
Иттилоъ дода шуд, ки Ташкилоти ҷамъиятии «Алянс Франсез Хуҷанд» кӯшиш дорад, ки ба ҳамкорӣ байни Донишгоҳи давлатии ҳуқуқ, бизнес ва сиёсати Тоҷикистон ва Донишкадаи иқтисод ва савдо ва муассисаҳои олии Фаронса низ мусоидат намояд.
АКС: Хадамоти матбуоти Раиси вилояти Суғд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
