Бинои муосир ба баланд бардоштани сифати таълим дар Донишгоҳи давлатии молия ва иқтисоди Тоҷикистон мусоидат намуд

Февраль 9, 2023 08:23

ДУШАНБЕ, 09.02.2023 /АМИТ «Ховар»/. Яке аз дастовардҳои муҳими Донишгоҳи давлатии молия ва иқтисоди Тоҷикистон дар соли 2022 — ин ба истифода додани бинои нави таълимии замонавӣ барои се ҳазор ҷойи нишаст дар як баст мебошад. Дар ин хусус Ректори Донишгоҳи давлатии молия ва иқтисоди Тоҷикистон Ҳакимбек Абдуалимзода 8 феврал зимни нишасти матбуотӣ ба хабарнигорон иттилоъ дод.

Гуфта шуд, ки бинои нави таълимии 5-ошёна, ки сохтмонаш соли 2019 оғоз ёфта буд, 9281 метри мураббаъ масоҳат дошта, аз 66 синфхонаи замонавӣ, аз қабили озмоишгоҳи таълимии гумрукӣ, бонки таълимӣ, озмоишгоҳи таълимии иқтисоди рақамӣ, шуъбаи мониторинг ва идораи сифати таълим, инчунин 25 утоқи корӣ, чор толор- конфронсӣ, лексионӣ ва Шӯрои дисертатсионӣ, 5 утоқи ёрирасон ва дигар инфрасохтори зарурӣ иборат буда, бо таҷҳизоти муосир ҷиҳозонида шудааст, ки ба баланд бардоштани сатҳу сифати таълим дар донишгоҳ нақши муассир мегузорад.

Ректор иброз дошт, ки Донишгоҳи давлатии молия ва иқтисоди Тоҷикистон соли 2022 дар Рейтинги муасисаҳои таҳсилоти олии касбӣ, ки аз ҷониби Агентии назорат дар соҳаи маориф ва илми назди Президенти Ҷумҳурии Тоҷикистон гузаронида мешавад, мақоми 4 ва тибқи Рейтинги Webometrics Ronking of Word Universitites- шаҳри Мадриди Испания дар байни муассисаҳои таҳсилоти олии касбии Ҷумҳурии Тоҷикистон ҷойи сеюм ва дар байни 30 ҳазор донишгоҳҳои ҷаҳон ҷойи 13862 –ро нигоҳ дошт.

Бо дахли раванди таълим дар донишгоҳ гуфта шуд, ки бо мақсади ташкили раванди таълим ва таъмини методии ҷараёни таълим дар соли таҳсили 2022-2023 барои 43 ихтисоси бакалаври шакли таҳсили рӯзона, 20 ихтисоси бакалаври таҳсилоти фосилавӣ, 8 ихтисоси бакалаври таҳсилоти олии дуюм ва 13 ихтисоси магистратура нақшаи нави таълим ва барномаҳои нави таҳсилии ба талаботи стандартҳои ҷаҳонӣ ҷавобгӯ таҳия ва аз ҷониби Вазорати маориф ва илми ҷумҳурӣ тасдиқ гардида, мавриди истифода қарор доранд.

Ҳамзамон номбурда доир ба корҳои илмию тадқиқотии устодони донишгоҳ гуфт, ки «аз оғози соли гузашта дар назди донишгоҳ Шӯрои диссертатсионии 6D.КОА-014 бо ҳуқуқи ҳимояи диссертатсияҳои номзадӣ дар се ихтисос ба фаъолият оғоз намуд. Дар соли ҳисоботӣ дар радифи дигар муҳаққиқон 4 нафар унвонҷӯи донишгоҳ рисолаҳои номзадии худро муваффақона ҳимоя намуданд. Дар маҷмӯъ, соли гузашта 10 нафар унвонҷӯи донишгоҳ рисолаи номзадӣ ҳимоя карда, иқтидори илмии донишгоҳро тақвият бахшиданд».

Инчунин гуфта шуд, ки донишҷӯёни донишгоҳ дар озмуну олимпиадаҳои ҷумҳуриявии «Илм- фурӯғи маърифат», «Фурӯғи субҳи доноӣ китоб аст», «Донишҷӯ ва пешрафти илму техника», «Беҳтарин донандаи Конститутсия» фаъолона иштирок намуда, ҷойҳои намоёнро сазовор гардида, дар баланд бардоштани нуфузи донишгоҳ бо донишҳои хеш саҳми назаррас гузоштанд.

Марзия САИДЗОДА,
АМИТ «Ховар»

АКС: АМИТ «Ховар»

Февраль 9, 2023 08:23

Хабарҳои дигари ин бахш

Даврон Сафарзода: «Олимони тоҷик минбаъд низ бояд барои расидан ба ҳадафҳои стратегии давлат саҳм гузоранд»
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар пойтахт даври шаҳри озмуни ҷумҳуриявӣ баргузор гардид
Олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» ҷамъбаст гардид
Дар Донишгоҳи байналмилалии забонҳои хориҷии Тоҷикистон оид ба «Истифодаи оқилонаи захираҳои об дар шароити тағйирёбии иқлим» ҳамоиш баргузор шуд
НАҚШИ ПЕШВОИ МИЛЛАТ ДАР ГУСТАРИШИ МАЪРИФАТИ ҲУҚУҚИИ ҶОМЕА. Доир ба он дар Донишгоҳи миллӣ конфронси ҷумҳуриявӣ баргузор шуд
«ДУРНАМОИ РУШДИ ИЛМИ ТАЪРИХИ ВАТАНӢ». Дар ҳошияи мулоқоти Президенти Тоҷикистон бо аҳли илм ва маорифи ҷумҳурӣ ҳамоиш доир шуд
Даври ниҳоии олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» оғоз гардид
ОҒОЗИ ДАВРИ ДУЮМИ БАҚАЙДГИРӢ. Тибқи иттилои Маркази миллии тестӣ он то 30 июн идома меёбад
«ТОҶИКОН БОЯД ДОРОИ ҶАҲОНБИНИИ ИЛМИИ ЗАМОНИ МУОСИР БОШАНД». Андешаҳо дар ҳошияи суханронии Президенти Тоҷикистон дар мулоқот бо аҳли илм ва маорифи мамлакат
ПАЙВАНДИ ИЛМ БО ИСТЕҲСОЛОТ ЗАМИНАИ ГУСТАРИШИ СОҲАҲОИ ҲАЁТИ ҶОМЕА. Андешаҳо дар ҳошияи суханронии Президенти Тоҷикистон дар мулоқот бо аҳли илм ва маорифи мамлакат
РУШДИ ИЛМ ВА АҲАМИЯТИ ОН БАРОИ ИСТИҚЛОЛИЯТИ ТОҶИКИСТОН. Дар ҳошияи мулоқоти Президенти Тоҷикистон муҳтарам Эмомалӣ Раҳмон бо аҳли илм ва маорифи мамлакат
Дар Донишгоҳи давлатии Кӯлоб оид ба раванди таълим дар синфҳои ибтидоӣ конференсияи ҷумҳуриявӣ баргузор шуд