30-СОЛАГИИ ТАЪСИСЁБИИ ҚУВВАҲОИ МУСАЛЛАҲ. Дар ноҳияи Шуғнон озмуни «Ватанпарвар» доир карда шуд
ХОРУҒ, 13.02.2023 /АМИТ «Ховар»/. Бахшида ба 30-солагии таъсиси Қувваҳои Мусаллаҳи Ҷумҳурии Тоҷикистон дар муассисаи таҳсилоти миёнаи умумии рақами 11-и ба номи Мастибек Тошмуҳаммадови ноҳияи Шуғнон озмуни «Ватанпарвар» доир карда шуд. Ин озмун бо ибтикори Бошгоҳи техникию варзишии Ташкилоти ҷамъиятии мададгори мудофиаи Вилояти Мухтори Кӯҳистони Бадахшон роҳандозӣ шуда, дар он хонандагони муассисаи таълимии рақами 12-и ба номи Қаҳрамони Тоҷикистон Шириншо Шоҳтемур низ иштирок намуданд, хабар медиҳад мухбири минтақавии АМИТ «Ховар» Файз Мирасан.
Муовини сардори Бошгоҳи техникию варзишии вилоят Алимамад Мирзоқандов зимни ифтитоҳи озмун изҳор дошт, ки ҳамасола озмуни «Ватанпарвар» дар байни хонандагони синфҳои болоии муассисаҳои таълимии мамлакат баргузор мегардад. Имсол ин озмун ба 30 солагии таъсисёбии Қувваҳои Мусаллаҳи Ҷумҳурии Тоҷикистон бахшида мешавад.
«Ҳадафи озмуни «Ватанпарвар»- ин аз хурдсолӣ дар ниҳоди кӯдакону наврасон тарбия намудани эҳсоси ватандӯстию соҳибватанӣ, хештаншиносию ифтихори миллӣ мебошад. Ҳадафи дигари ин озмун- ба сафи Қувваҳои Мусаллаҳи Ҷумҳурии Тоҷикистон омода намудани наврасону ҷавонон мебошад. Давоми 30 сол Бошгоҳи техникию варзишӣ аз ҳисоби наврасону ҷавонон садҳо мутахассисони соҳаи низомиро омода ва ба сафи Артиши миллӣ гусел кард. Маҳз чунин тадбирҳои муассиру муфид имконият фароҳам оварданд, ки дар панҷ соли охир ҳам дар даъвати баҳорию ҳам тирамоҳӣ ҷавонони вилоят ба комиссариатҳои ҳарбии шаҳру ноҳияҳои вилоят довталабона ҳозир шуда, ба хизмати Модар-Ватан раҳсипор гарданд»,-гуфт Алимамад Мирзоқандов.
Баъди шарҳу тавзеҳи шартҳои озмун иштирокчиён ба чанд даста ҷудо шуда, байни ҳам аз намудҳои ҷудо ва пайваст кардани силоҳи худкори Калашников, тирандозӣ ва ба рӯ кашидани ниқоби газӣ рақобат намуданд.
Ғолибони озмун бо ифтихорнома ва мукофоти пулӣ сарфароз гардида, ба озмуни вилоятӣ, ки дар шаҳри Хоруғ баргузор мегардад, омодагӣ мебинанд.
АКС: АМИТ «Ховар»
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
