Дар Бадахшон масъалаи таъмини ёрии ҳуқуқӣ ба сокинон баррасӣ шуд
ДУШАНБЕ, 10.02.2023. /АМИТ «Ховар»/. 8 феврал дар шаҳри Хоруғ ҷаласаи муштараки Мақомоти иҷроияи ҳокимияти давлатии Вилояти Мухтори Кўҳистони Бадахшон ва Вазорати адлияи Ҷумҳурии Тоҷикистон доир гардид, ки дар кори он масъалаи ҳамкорӣ оид ба таъмини ёрии ҳуқуқӣ ба сокинони шаҳру ноҳияҳои вилоят мавриди баррасӣ қарор дода шуд. Дар ин хусус ба АМИТ «Ховар» дар Вазорати адлияи мамлакат хабар доданд.
Дар ҷаласа ҳамчунин ҳуқуқшиносони Муассисаи давлатии «Маркази ёрии ҳуқуқӣ»-и Вазорати адлияи Ҷумҳурии Тоҷикистон ба роҳбарияти шаҳру ноҳияҳо ва мақомоти давлатии дахлдори Вилояти Мухтори Кӯҳистони Бадахшон муарифӣ карда шуданд.
Иттилоъ дода шуд, ки ҳадаф аз баргузор намудани ҷаласаи кории зикргардида таҳким бахшидан ба фаъолияти ҳуқуқшиносони Муассисаи давлатии «Маркази ёрии ҳуқуқӣ» ҷиҳати беҳтар ба роҳ мондани таъмини ёрии ҳуқуқӣ ба сокинони шаҳру ноҳияҳои вилоят мебошад.
Дар ҷаласа роҳбарияти шаҳру ноҳияҳои вилоят, намояндагони мақомоти суд, прокуратура, корҳои дохилӣ, амнияти миллӣ, Агентии назорати давлатии молиявӣ ва мубориза бо коррупсия, Агентии назорати маводи нашъаовар ва ҳуқуқшиносони давлатӣ дар Вилояти Мухтори Кӯҳистони Бадахшон иштирок доштанд.
Тазаккур дода шуд, ки расонидани ёрии ҳуқуқӣ ба қишрҳои осебпазири ҷомеа яке аз афзалиятҳои сиёсати ҳуқуқии Ҷумҳурии Тоҷикистон ба ҳисоб меравад.
Ёдовар мешавем, ки аз соли 2016 инҷониб Вазорати адлия якҷо бо шарикони рушд дар Тоҷикистон дар доираи лоиҳаи «Волоияти қонун ва дастрасӣ ба адолат» расонидани ёрии ҳуқуқӣ ба қишрҳои осебпазири ҷомеаро амалӣ менамояд.
АКС: Вазорати адлияи Ҷумҳурии Тоҷикистон
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
