Дар Душанбе нақши воситаҳои ахбори омма дар ҳифзи фазои иттилоотӣ ва фарҳанги истифодаи интернет баррасӣ карда шуд
ДУШАНБЕ, 22.02.2023 /АМИТ «Ховар»/. «Нақши воситаҳои ахбори омма дар ҳифзи фазои иттилоотӣ ва фарҳанги истифодаи интернет»- таҳти чунин унвон дар Душанбе дар доираи баргузории даврҳои омӯзишӣ барои раисони кумитаҳои иҷроияи Ҳизби Халқии Демократии Тоҷикистон /ҲХДТ/ дар шаҳру ноҳияҳо ва вилоятҳои ҷумҳурӣ ҳамоиш баргузор карда шуд. Дар ин хусус ба АМИТ «Ховар» дар Иттифоқи журналистони Тоҷикистон иттилоъ доданд.
Дар ҳамоиш коршиносони соҳа аз Кумитаи телевизион ва радиои назди Ҳукумати Ҷумҳурии Тоҷикистон, Агентии миллии иттилоотии Тоҷикистон «Ховар», Иттифоқи журналистони Тоҷикистон, рӯзномаву маҷаллаҳо, Шӯрои воситаҳои ахбори омма ва созмони ҷамъиятии «Хома» иштирок ва сухан намуданд.
«Ҳадафи ҳамоиш — муайян намудани самтҳои асосии фаъолияти воситаҳои ахбори омма дар шароити ҷаҳонишавӣ ва истифода аз имконоти медиа ва шабакаҳои иҷтимоӣ барои пешбурди фаъолияти кумитаҳои иҷроияи ҳизбии вилоятҳо ва шаҳру ноҳияҳо мебошад»,-изҳор дошт муовини Раиси Ҳизби Халқии Демократии Тоҷикистон Хайринисо Юсуфӣ.
Мавсуф аз саҳми воситаҳои ахбори омма дар ташаккули маърифати ҷомеа изҳори андеша намуд. Гуфта шуд, ки бо дастгириҳои ҳамешагии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон нақши воситаҳои ахбори омма дар таҳкими фазои иттилоотӣ ва таъмини амнияти иттилоотии мамлакат меафзояд.
Ба таъкиди Сарвари давлат, «манфиатҳои миллӣ тақозо мекунанд, ки воситаҳои ахбори омма ба сифати дастгоҳи тавонои иттилоотӣ дар муборизаи таҳмилии иттилоотӣ чун сипари боэътимоди халқу давлат хизмат намоянд, ба ҳифзи оромиву суботи ҷомеа фаъолона мусоидат кунанд ва эътимоди мардумро ба фардои нек таҳким бахшанд».
Таъкид шуд, ки дар шароити ҷаҳони муосири пуртазод таҳлили фаъолият, шинохти фазои иттилоотӣ, боло бурдани саводи расонаӣ ва тавлиди муҳтавои босифат дар шароити рақобатпазирии шадиди иттилоотӣ ногузир аст.
Дар анҷоми ҳамоиш байни иштирокдорони даври омӯзишӣ ва коршиносони воситаҳои ахбори омма зимни саволу ҷавоби пурмуҳтаво табодули афкор сурат гирифт.
АКС: Иттифоқи журналистони Тоҷикистон
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
