Дар Душанбе оид ба масъалаҳои тақвияти ватандӯстӣ ва ҳифзи арзишҳои миллӣ конференсия доир карда шуд

Февраль 21, 2023 18:47

ДУШАНБЕ, 21.02.2023 /АМИТ «Ховар»/. «Масъалаҳои тақвияти ватандӯстӣ ва ҳифзи арзишҳои миллӣ — омили муҳими таҳкими давлатдорӣ дар шароити ҷаҳонишавӣ»- таҳти чунин унвон 20 феврал бахшида ба 30-солагии таъсиси Кувваҳои Мусаллаҳи Ҷумҳурии Тоҷикистон дар Академияи идоракунии давлатии назди Президенти Ҷумҳурии Тоҷикистон конференсияи ҷумҳуриявии илмӣ-назариявӣ доир карда шуд. Дар ин хусус ба АМИТ «Ховар» дар Академияи мазкур хабар доданд.

Зимни суханронии иштирокдорон иброз гардид, ки пойдорӣ, пешрафт ва шукуфоии давлату миллат ва муаррифии он дар арсаи байналмилалӣ аз истиқлоли давлатӣ, худшиносии миллӣ ва ифтихори ватандӯстӣ замина гирифта, миллату давлатро ҷовидон нигоҳ медорад. Раванди ҷаҳонишавӣ, ки дар ҷаҳони муосир босуръат идома дорад, аз ҳар давлати миллӣ тақозо менамояд, ки баҳри нигоҳ доштани истиқлоли давлатӣ ғоя ва худшиносии миллиро тақвият бахшад. Бинобар ин, Президенти Ҷумҳурии Тоҷикистон муҳтарам Эмомалӣ Раҳмон моҳияти ин масъалаи тақдирсози миллатро дар тамоми баромаду суханрониҳои хеш пайваста таъкид менамоянд.

Президенти Ҷумҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» 23 декабри соли 2022 вобаста ба ин масъала таъкид намуданд, ки «мо бояд ватандӯсту ватанпараст бошем ва ҳаргиз фаромӯш насозем, ки эҳсоси гарми ватандӯстӣ ва ҳисси баланди миллӣ омили асоситарин ва роҳи муҳимтарини рушди давлат ва ҷомеа мебошад».

Дар конференсия аз ҷониби намояндагони Академияи миллии илмҳои Тоҷикистон, Донишкадаи ҳарбии Вазорати мудофиаи Ҷумҳурии Тоҷикистон,  Донишкадаи такмили ихтисоси Вазорати адлияи Ҷумҳурии Тоҷикистон дар  мавзӯъҳои «Масъалаҳои шаклгирии озодии фикрии ҷавонон ва ҳифзи ватандӯстӣ аз унсурҳои радикалӣ ва ифротӣ», «Терроризм: таҳдиду хатарҳо, дурнамо ва корҳои ташвиқотию тарғиботӣ дар шароити пайомадҳои сиёсию идеологӣ дар байни ҷавонони Қувваҳои Мусаллаҳи Ҷумҳурии Тоҷикистон», «Ватандӯстиву хештаншиносӣ заминаи бунёдии рушди ҷомеа ва давлат» маърӯзаҳо пешниҳод шуданд.

Гуфта шуд, ки ватандӯстиву ватанпарастӣ, ҳифзи амнияту осоиш ва якпорчагии Ватан вазифаҳои муҳимтарини шаҳрвандон ба ҳисоб мераванд.

АКС: Академияи идоракунии давлатӣ

Февраль 21, 2023 18:47

Хабарҳои дигари ин бахш

МО ҶАВОНЕМ, МО ҶАВОНЕМ, МО ҶАВОН! Дар Тоҷикистон зиёда аз 2 миллион нафарро ҷавонон ташкил медиҳанд
РИСОЛАТИ ТАЪРИХИИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАҲКИМИ ПОЯҲОИ ИСТИҚЛОЛИ ДАВЛАТӢ. Андешаҳо ба ифтихори 30-солагии таъсиси ҳизб
СОЛИ МАЪРИФАТИ ҲУҚУҚӢ. Расонидани ёрии ҳуқуқии ройгон ифодагари ғамхории Пешвои миллат нисбат ба мардуми Тоҷикистон аст
«СИФАТИ ХИЗМАТРАСОНИИ ТИББӢ». Доир ба беҳтар намудани кумаки статсионарӣ ба модарон, навзодон ва кӯдакон машғулият доир гардид
Давоми шабонарӯзи охир бар асари бориши шадид дар минтақаҳои гуногуни Тоҷикистон сел ба амал омад
Бахшида ба Рӯзи ҷавонони Тоҷикистон Вазири корҳои дохилӣ бо ҷавонони фаъол вохӯрӣ намуд
Директори Хазинаи байналмилалии асъор бо занони пешсафи тоҷик мулоқот намуд
МОҲВОРАИ ҶАВОНОН. Дар шаҳри Бохтар Фестивали бозиҳои миллӣ баргузор гардид
«МАКТАБИ СИЁСИИ ПЕШВОИ МИЛЛАТ». Таҳти чунин унвон конференсияи 4-уми байналмилалии илмӣ-амалӣ доир шуд
БАХШИДА БА РӮЗИ ҶАВОНОНИ ТОҶИКИСТОН. Дар ноҳияи Панҷ бо афсарону сарбозони қисмҳои ҳарбӣ вохӯрӣ доир гардид
Дар Душанбе масъалаи фарогирии умумӣ ба хизматрасонии тандурустӣ баррасӣ гардид
Дар Душанбе бо намояндагони созмонҳои байналмилалӣ оид ба коҳиши хатари офатҳои табиӣ мулоқот доир гардид