Дар штати Техаси Америка тӯфони зимистона бо борони сард ба амал омад

ДУШАНБЕ, 02.02.2023 /АМИТ «Ховар»/. Дар штати Техаси ШМА тӯфони зимистона бо борони сард ба амал омад. Роҳҳои мошингард дар ҳолати яхбандӣ қарор дошта, дар роҳҳо садҳо садҳо садамаҳои нақлиётӣ  рух медиҳанд. Дар ин хусус АМИТ «Ховар» бо истинод ба «МИР 24» хабар медиҳад.

Дар атрофи Трэвис, ки ба штати Техас дохил мешавад, мошинҳо дар ҳар се дақиқа ба ҳам бармехӯранд. Ва аз субҳ ҳамин тавр аст. Яхреза, ки дар тамоми роҳҳо пош шудааст, ба ронандагон имконият намедиҳад, ки зуд ҳаракат кунанд.

Корхонаҳои коммуналӣ қариб якуним миллиард галлон моеи тозакунандаи яхро истифода бурданд, аммо то ҳол  хамаи кӯшишхо бенатиҷаанд.

Қариб ҳафт ҳазор нафар бе барқ ​​мондаанд. Ноқилҳо ях бастаанд, баъзе хатҳои интиқоли барқ ​​дар зери вазни барфу ях фурӯ рехтаанд, садҳо дарахтон ғалтидаанд. Бар асари номусоидии вазъи ҳаво дар Техас ва штатҳои ҳамсояи ШМА қариб ҳазор парвоз лағв шуда, тақрибан 800 парвози дигар ба таъхир гузошта шуд.

Роҳҳои мошингард, кӯчаҳои шаҳр ва роҳҳои пиёдагард ях бастаанд. Рӯзҳои наздик мактабҳо ва коллеҷҳо дар Техас, Оклахома ва Арканзас баста мешаванд ё ба шакли фосилавӣ мегузаранд.

Азиза ДАДАБОЕВА,
АМИТ «Ховар»

АКС: Smiley N. Pool /AP/ ТАСС ШМА