Дар Тоҷикистон соли 2022 беш аз 200 тонна маҳсулоти пастсифат ва ба саломатӣ зараровар нобуд карда шуд
ДУШАНБЕ, 04.02.2023 /АМИТ «Ховар»/. Соли гузашта ҳам дар гузаргоҳҳои сарҳадӣ ва ҳам дар бозорҳои истеъмолӣ дар маҷмӯъ 65 озмоишгоҳ фаъолият карданд. Дар ин давра беш аз 200 тонна маҳсулоти пастсифату ба саломатӣ зараровар, инчунин ба талабот ҷавобгӯ набуда мусодира ва нобуд карда шуд. Дар ин хусус Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода 2 феврал зимни нишасти матбуотӣ иттилоъ дод.
Гуфта шуд, ки дар самти назорати воридот ва содироти маҳсулоти озуқаворӣ дар нуқтаҳои назорати давлатии бехатарии озқаворӣ дар гузаргоҳҳои сарҳадӣ инчунин пешгирии воридот ва ба муомилот баровардани маҳсулоти пастсифат, ки дар ин давра ба Ҷумҳурии Тоҷикистон аз хориҷи мамлакат ворид карда шуд, мавриди ташхиси дақиқи мутахассисони мақомоти бехатарии озуқаворӣ қарор дода шуданд.
Сардори Раёсати Кумитаи бехатарии озуқаворӣ дар сарҳади давлатӣ ва нақлиёт Абдулваҳоб Давлатов тазаккур дод, ки «дар нуқтаи сарҳадии Панҷи поён ҳангоми воридот аз Покистон мо 1600 кг сирпиёзро, ки ба талабот ҷавобгӯ набуд, бозпас гардонидем. Чунин ҳолат дар шаҳри Турсунзода низ рух до два 14 тоннаву 300 грамм панири истеҳсоли Федератсияи Русия, ки ба талабот ҷавобгӯ набуд, дар асоси дархости давлати содиркунанда бозпас гардонида шуд. Назорати молу маҳсулот дар дигар нуқтаҳои назорати сарҳадӣ низ ба роҳ монда шудааст».
Мавсуф афзуд, ки дар мавриди воридоти молу маҳсулот мо бо соҳибкорону воридкунандагони ватанӣ пайваста суҳбат менамоем. Онҳо низ кӯшиш мекунанд, ки молу маҳсулоти босифат ва ба талаботи бозор ҷавобгӯро ба мамлакат ворид намоянд. Бояд гуфт, ки нисбат ба солҳои қаблӣ воридоти маҳсулоти пастсифат кам шудааст.
Дар нишасти матбуотӣ иттилоъ дода шуд, ки дар ин давра аз Ҷумҳурии Точикистон ба дигар давлатҳо 255 064 тонна маҳсулот, аз ҷумла меваҳои тару тоза, нахи пахта, меваи хушк ва ришта содирот карда шудааст.
София ШОИК,
АМИТ «Ховар»
АКС: АМИТ «Ховар»
Дар Тоҷикистон пешгирӣ аз истеъмоли моддаҳои психотропӣ тақвият дода мешавад
Давоми шаш моҳи соли 2026 дар Душанбе 47 ҳолати монеъ шудан ба таҳсилоти ҳатмии ноболиғон ошкор карда шуд
Дар Душанбе беш аз 90 ҳолати ба фолбинӣ машғул шудани шаҳрвандон ошкор гардид
Ҷаласаи Шурои ҳамоҳангсозӣ оид ба пешгирии суиистеъмоли маводи нашъадор баргузор гардид
ТАҲДИДҲОИ МУОСИРИ КИБЕРӢ ВА РОҲҲОИ МУҚОВИМАТ БА ОНҲО. Мулоҳизаҳо дар ин маврид
Дар маҷлиси ҳайати мушовараи Прокуратураи генералӣ татбиқи дурусти Қонуни Ҷумҳурии Тоҷикистон «Дар бораи авф» баррасӣ шуд
Прокурори шаҳри Ҳисор: «Сулҳ масъулият аст ва ташаббуси навбатии байналмилалии Тоҷикистон ҷомеаи ҷаҳониро ба андеша водор месозад»
Дар беш аз 150 аттраксиони боғҳои фарҳангӣ–фароғатии Тоҷикистон камбудиҳои техникӣ ошкор карда шуд
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
