Дар Туркия бар асари заминларза беш аз 75 нафар ҳалок шуданд

ДУШАНБЕ, 06.02.2023 /АМИТ «Ховар»/. Дар ҷанубу шарқи Туркия бар асари заманларзаи 7,4-балла беш аз 76 нафар ҳалок ва беш аз 440 нафар маҷруҳ шуданд, иттилоъ медиҳад АМИТ «Ховар» бо истинод ба ТАСС.

Таконҳои зеризаминӣ баъди заминларза дар аксар минтақаҳои Туркия, хусусан дар Анқара ба қайд гирифта шуданд.

Заминларза дар минтақаи Пазарҷики музофоти Қаҳрамонмараш дар умқи 7 километр, соати 04:17 ба вақти маҳаллӣ рух додааст. Баъдан таконҳои зеризаминӣ тайи ним соат дар минтақаҳои мухталиф – Одоно, Анқара, Анталия, Газиантеп, Қайсарӣ, Мерсин, Трабзон ва Шанлиурфа эҳсос карда шуданд.

Ба ғайр аз ин, шабакаи Al Arabiya иброз медорад, ки таконҳои зеризаминӣ инчунин дар бархе минтақаҳои Ироқ ва Либия эҳсос гардидаанд.

Фурӯпошии хонаҳо дар вилоятҳои Қаҳрамонмараш, Малатия, Шанлиурфа ва Газиантеп ба қайд гирифта шудааст.

«Мувофиқи маълумоти пешакӣ, 16 бино фурӯ рехтааст. Мо аз шаҳрвандон даъват мекунем, ки роҳҳоро барои гузаштани наҷотдиҳандагон холӣ кунанд», — хабар медиҳад шабакаи телевизионии Tele.

Азиза ДАДАБОЕВА,
АМИТ «Ховар»

АКС аз манбаъҳои боз