ДАРАХТ БИНШОН! Дар Турсунзода зиёда аз 100 бех ниҳоли «Павловния»-и голандӣ шинонида шуд

Февраль 6, 2023 15:10

ДУШАНБЕ, 06.02.2023. /АМИТ «Ховар»/. Имрӯз дар доираи маъракаи ниҳолшинонӣ дар маркази шаҳри Турсунзода зиёда аз 100 бех ниҳоли «Павловния»-и голандӣ шинонида шуд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Турсунзода иттилоъ доданд.

Тибқи иттилои масъулин, ин ниҳолҳои кӯчак ба дарахтони бузурги сояафкан табдил ёфта, ба кўчаву хиёбонҳои шаҳр зебогии табиӣ хоҳанд бахшид.

Тибқи иттилои мутахассисон, Павловния ё «Дарахти Одам» асрҳо боз дар Япония бо номи «кири» (ҳаёт) парвариш мешуд. Ниҳоли дарахти павловния зудрушдёбанда буда, соле то 3-5 метр қад мекашад. Баъд аз буридан ба тезӣ барқарор шуда, то 70 — 100 сол нашъунамо мекунад. Диаметри танаи он ба як метр ва қадаш вобаста ба шароит то 28 — 30 метр мерасад. Ба хок чандон серталаб набуда, дар заминҳои камоб низ мерӯяд. Ба ҳар ҳол дар заминҳои хокашон ғизоноку сернам зудтар қад мекашад. Як гектари он дар соли сеюм то 100 тонна биомасса медиҳад.

«Дар сурати парвариши ин дарахт дар Тоҷикистон метавон миёни қатори дарахтон 2-3 соли аввал метавон гандум, ҷав, ҷуворимакка, лӯбиё, пахта, нахӯд, тарбузу харбуза кишт кард. Солҳои минбаъда бо гирифтани асал ва фурӯши шоху баргҳои он метавон даромади бештар ба даст овард. Аз тарафи дигар, парвариши павловния хокро аз бодхӯрдашавӣ (эрозия) ҳифз намуда, ҳаворо тоза мекунад», — мегўянд мутахассисон.

АКС: Мақомоти иҷроияи ҳокимияти давлатии шаҳри Турсунзода

Февраль 6, 2023 15:10

Хабарҳои дигари ин бахш

ДАРАХТ БИНШОН! Дар ноҳияи Лахш беш аз 11 ҳазор бех ниҳоли мевадиҳанда ва ҳамешасабз шинонида шуд
ДАРАХТ БИНШОН! Дар боғи навбунёди Шуғнон 15 ҳазор бех ниҳоли дарахтони мевадиҳанда шинонида шуд
ДАРАХТ БИНШОН! Дар боғи навбунёди ноҳияи Мурғоб беш аз 10 ҳазор бех ниҳол шинонида шуд
ДАРАХТ БИНШОН! Дар ноҳияи Шуғнон боғи намунавӣ бунёд гардид
Дар шафати кӯли Ҳафткӯл-Ҳазорчашма 3900 бех ниҳолҳои мевадиҳанда шинонида шуд
БАРНОМАИ «КИШВАРИ САБЗ». Дар ноҳияи Айнӣ дар 0,80 гектар ниҳолхона ташкил карда шуд
«КАМАРБАНДИ САБЗ». Дар шафати роҳҳои автомобилгард беш аз 180 ҳазор бех ниҳол шинонида шуд
Дар ноҳияи Рӯшон дар 1 гектар боғи мевадиҳанда бунёд гардид
КИШВАРИ САБЗ. Дар шоҳроҳи Душанбе — Ваҳдат маъракаи муштараки ниҳолшинонӣ доир шуд
ДАРАХТ БИНШОН! Дар ноҳияи Ванҷ мавсими ниҳолшинонӣ оғоз ёфт
ДАРАХТ БИНШОН! Дар Истаравшан беш аз 18 ҳазор бех ниҳол шинонида шуд
ДАРАХТ БИНШОН! Дар шаҳри Хуҷанд ниҳолҳои ҳамешасабзи сарви аризонӣ шинонида шуданд