Дурнамои ҳамкории мақомоти иҷроияи ҳокимияти давлатии шаҳри Душанбе бо Бонки ҷаҳонӣ ва JICA муҳокима гардид

ДУШАНБЕ, 10.02.2023. /АМИТ «Ховар»/. Имрӯз муовини якуми Раиси шаҳри Душанбе Ҷамшед Табарзода бо Директори минтақавии Бонки Ҷаҳонӣ оид ба кишварҳои Аврупо ва Осиёи Марказӣ Самех Нагуб Вах ва муовини якуми Директори Агентии ҳамкории байналмилалии Ҷопон хонум Уно Ҷунко мулоқот анҷом дод. Дар ин хусус ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.

Дар мулоқот масоили кунунӣ ва дурнамои муносибатҳои ҳамкории мақомоти иҷроияи ҳокимияти давлатии шаҳри Душанбе бо Бонки ҷаҳонӣ ва JICA муҳокима гардид.

Муовини якуми Раиси шаҳри Душанбе бо қаноатмандӣ аз сатҳи ҳамкории ҷойдошта изҳори итминон намуд, ки раванди маблағгузории лоиҳаҳо дар соҳаҳои афзалиятноки шаҳри Душанбе минбаъд низ босамар идома меёбад.

Зимни мулоқот саҳми бонк ва JICA дар рушди бахши обтаъминкунӣ ва корезӣ, баланд бардоштани сатҳи хизматрасониҳои коммуналӣ ва ислоҳоти идораи партовҳои сахти маишии шаҳри Душанбе таъкид гардид.

Дар идомаи суҳбат ҷонибҳо ҳамчунин доир ба дигар масъалаҳои мавриди таваҷҷуҳ гуфтугӯ анҷом доданд.

АКС: Мақомоти иҷроияи ҳокимияти давлатии шаҳри Душанбе