Кумаки башардӯстонаи ҷониби Тоҷикистон ба мардуми зарардидаи Сурия дастрас гардид
ДУШАНБЕ, 22.02.2023 /АМИТ «Ховар»/. Бо ташаббус ва дастури Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 21 феврал кумаки башардӯстона иборат аз маводи ғизоӣ, либосҳо, кати хоб, лавозимоти тиббии аввалия ва дигар ашёи зарурӣ, дар маҷмӯъ 55 тонна тариқи ду ҳавопаймо ба Димишқ расонида шуд, ки он ба мардуми аз заминларза зарардидаи Ҷумҳурии Арабии Сурия тақдим гардид. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доднд.
Кумакро дар фурудгоҳи байналмилалии Димишқ муовини Вазири умури маҳаллии Сурия Муътоз Дуҳайҷӣ ва комиссияи махсус иборат аз мақомоти дахлдори Ҷумҳурии Арабии Сурия қабул намуд. Кумаки башардӯстонаи Ҳукумати Ҷумҳурии Тоҷикистон ба ҷониби Сурия расман супорида шуд.
Зимни нишасти матбуотӣ дар фурудгоҳи Димишқ дар ҳузури доираи васеи хабарнигорон вобаста ба заминҷунбии шадид дар Сурия изҳори таслияти Президенти Ҷумҳурии Тоҷикистон муҳтарам Эмомалӣ Раҳмонро бори дигар ба роҳбарият ва мардуми Сурия расонда шуд.
Тазаккур дода шуд, ки Тоҷикистон дар асоси пайванди муносибатҳои дӯстӣ бо Ҷумҳурии Арабии Сурия дар ин лаҳзаҳои басе душвор дар канори мардуми зарардидаи Сурия мебошад ва кумаки имрӯза нишонаи таваҷҷуҳ ва сиёсати хайрпарваронаи Президенти Ҷумҳурии Тоҷикистон мебошад.
Муовини вазири умури маҳаллии Сурия Муътоз Дуҳайҷӣ аз номи Ҳукумат ва мардуми Сурия ба Президенти Ҷумҳурии Тоҷикистон барои дастгирию расондани кумак ба мардуми Сурия дар чунин лаҳзаҳои душвор миннатдории самимӣ баён намуд.
Таъкид гардид, ки ҷониби Сурия ҳеҷ вақт ин ташаббуси башардӯстонаи Президенти Тоҷикистонро фаромӯш нахоҳад кард, зеро ин тадбири муҳим муҳаббати Ҳукумат ва мардуми Сурияро нисбат ба Сарвари давлати Тоҷикистон бештар намудааст.
АКС: Вазорати корҳои хориҷии Ҷумҳурии Тоҷикистон
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
