Кумитаи ҳолатҳои фавқулода ва мудофиаи гражданӣ: «Пас аз заминларза дар кӯли Сарез ягон тағйирот ба қайд гирифта нашудааст»
ДУШАНБЕ, 25.02.2023 /АМИТ «Ховар»/. Тавре қаблан хабар додем, 23 феврал дар қаламрави Ҷумҳурии Тоҷикистон якчанд ҳодисаи заминларза ба қайд гирифта шуд. Такони аввали замин соати 5:37 ба вақти маҳаллӣ рух дод, ки маркази он дар километри 67-уми самти ғарбии маркази ноҳияи Мурғоб, километри 400-уми ҷанубу шарқи шаҳри Душанбе ва километри 30-юми шарқтари кӯли Сарез ҷойгир буд. Қувваи заминларза дар марказ 6,8 балл ва умқи он 20,5 км буд. Бар асари ин заминларза дар кӯли Сарез ягон ҷунбиш ё тағйирот ба қайд гирифта нашудааст. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Ба иттилои манбаъ, қувваи заминларза дар шаҳри Хоруғ 5-6 балл, дар Душанбе 2-3 балл буда, талафоти ҷониву хисороти дигар ба амал наомадаанд.
Ҳамчунин пас аз заминларзаи аввал шаш пасларза ба қайд гирифта шуд.
Тазаккур дода шуд, ки маркази ҳамаи ин заминларзаҳо дар кӯҳҳо, дар маконҳои беодам ва дур аз минтақаҳои маскунӣ, дур аз маркази ноҳияи Мурғоб ва кӯли Сарез ҷойгир буд. Системаи мониторинг ва огоҳсозии бармаҳали кӯли Сарез чун ҳарвақта фаъол аст ва ягон ҷунбиш ё тағйирот дар он ба қайд гирифта нашудааст.
Ҷараёни об ва масрафи он дар кӯли Сарез бетағйир аст. Яъне, ҷараёни он 39 метри мукааб дар ҳар сония ва масрафи он 45 метри мураббаъ дар як сония мебошад.
Соли 2015 дар қаламрави кӯли Сарез заминларза бо қувваи 7,3 балл рух дода, боиси резиши сангу рег шуда буд. Дар он замон низ дар Усой ягон тағйирот ба чашм нарасида буд.
АКС: Кумитаи ҳолатҳои фавқулода ва мудофиаи гражданӣ
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
