Офатҳои табиӣ ба хоҷагии халқи ноҳияи Шуғнон зиёда аз 1,5 млн сомонӣ зарари молиявӣ расониданд
ДУШАНБЕ, 20.02.2023 /АМИТ «Ховар»/. Дар айни замон бо заҳмати шабонарӯзии роҳсозони ноҳияи Шуғнони Вилояти Мухтори Кӯҳистони Бадахшонроҳи автомобилгард дар ҷамоати деҳоти Вер пурра аз тарма тоза карда шуда, айни ҳол роҳҳои автомобилгарди ҳудуди ноҳияи Шуғнон дар ҳамаи самтҳо ба истиснои ағбаи Куҳтезак кушода мебошанд. Ин матлаб имрӯз, 20 феврал зимни ҷаласаи кории назди роҳбарияти ноҳияи Шуғнон баён гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳия хабар медиҳад.
Иттилоъ дода шуд, ки дар натиҷаи офати табиӣ дар ноҳия як нафар сокини ноҳия ба ҳолакат расида, як хонаи истиқоматӣ пурра хароб гашт, ду хонаи истиқоматӣ қисман ва ҳафт хонаи истиқоматӣ зарари сабук диданд, ҳамчунин роҳу пулҳо, хатҳои интиқоли барқ ва дигар иншооти таъйиноти гуногун хароб гардида, дар маҷмӯъ ба хоҷагии халқи ноҳия ба маблағи зиёда аз 1,5 млн сомонӣ зарари молиявӣ расонида шуд.
Зимни ҷаласаи корӣ масъалаҳо оид ба офати табиӣ, аз ҷумла бориши зиёди барфу борон, ки рӯзҳои охир дар ҳудуди ноҳия ба вуқӯъ пайваста, дар натиҷа резиши тармаҳо ва селфароӣ ба хоҷагии халқи ноҳия хисороти зиёд расонид, мавриди баррасӣ қарор гирифт.
Тазаккур дода шуд, ки бо супориши Президенти мамлакат муҳтарам Эмомалӣ Раҳмон аз ҳисоби шахсони масъули Ҳукумати Ҷумҳурии Тоҷикистон ва роҳбарони аввали якчанд вазорату кумитаҳо Комиссияи давлатӣ оид ба бартараф кардани оқибатҳои офати табиӣ таъсис дода шуд.
Дар асоси дастури Президенти Тоҷикистон муҳтарам Эмомалӣ Раҳмон аъзои Комиссияи давлатӣ вазифадор карда шуданд, ки дар муҳлати кӯтоҳтарин оқибатҳои офати табииро бартараф намоянд.
Таъкид карда шуд, ки ҷараёни бартарафсозии оқибатҳои офатҳои табиӣ таҳти назорати шахсии Президенти Тоҷикистон муҳтарам Эмомалӣ Раҳмон қарор дорад.
АКС: Мақомоти иҷроияи ҳокимияти давлатии ноҳияи Шуғнон
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
