Ҷоизадори Бозиҳои олимпӣ Юсуф Абдусаломов мураббии нави дастаи мунтахаби Тоҷикистон оид ба гӯштини тарзи озод шуд
ДУШАНБЕ, 03.02.2023 /АМИТ «Ховар»/. Барандаи медали нуқраи Бозиҳои олимпии Пекин-2008 Юсуф Абдусаломов мураббии нави дастаи мунтахаби Тоҷикистон оид ба гӯштини тарзи озод шуд, хабар медиҳад АМИТ «Ховар» бо истинод ба Федератсияи гӯштини Тоҷикистон.
Дар робита ба ин дирӯз дар шаҳри Душанбе байни Федератсияи гӯштини Тоҷикистон ва мураббии нави дастаи мунтахаби ҷумҳурӣ — гӯштингири маъруфи тарзи озод, барандаи медали нуқраи Бозиҳои олимпии Пекин-2008, чемпиони Осиё-2003 ва барандаи медали нуқраи Чемпионати ҷаҳон-2007 дар ҳайати дастаи мунтахаби Тоҷикистон, ҳоло мураббӣ Юсуф Абдусаломов созишномаи корӣ ба имзо расид.
Роҳбарияти Федератсияи гӯштини Тоҷикистон номзадии Юсуф Абдусаламовро ба вазифаи мураббии дастаи мунтахаби ҷумҳурӣ оид ба гӯштини озод тасдиқ кард.
Тавре қаблан АМИТ «Ховар» иттилоъ дод, 28-29 январ дар Қасри теннис ва маҷмааи варзиши обии шаҳри Душанбе Чемпионати Ҷумҳурии Тоҷикистон-2023 оид ба гӯштин (тарзи озод ва юнонӣ-румӣ) байни калонсолон баргузор гардид. Ғолибон ва беҳтарин гӯштингирони ин чемпионат имкони шомил шудан ба дастаи миллии Тоҷикистонро пайдо карданд.
Чемпионати мазкур аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи гӯштини Тоҷикистон ташкил гардида, дар доираи «Тақвими ягонаи чорабиниҳои оммавию варзишӣ ва солимгардонӣ» дар сатҳи баланд доир шуд.
Чемпионатро барандаи медали нуқраи Бозиҳои олимпии соли 2008 оид ба гӯштини тарзи озод дар ҳайати дастаи мунтахаби Тоҷикистон, собиқ мураббии дастаҳои мунтахаби Лаҳистон ва Маҷористон Юсуф Абдусаломов роҳбарӣ намуд.
Чемпионати мазкур тибқи қоидаҳои Федератсияи ҷаҳонии гӯштин сурат гирифт. Нафароне, ки дар он унвони қаҳрамонӣ ба даст оварданд, моҳи март Тоҷикистонро дар Чемпионати Осиё, ки дар шаҳри Деҳлии Ҳиндустон баргузор мегардад, муаррифӣ мекунанд.
Ҳамзамон дар Чемпионати Ҷумҳурии Тоҷикистон ду легионери доғистонитабор — Абдулмаҷид Кудиев дар вазни 65 кило ва Магамет Евлоев дар вазни 74 кило иштирок намуда, унвони чемпиониро соҳиб шуданд. Онҳо аз ин пас зери Парчами Ҷумҳурии Тоҷикистон ҳунарнамоӣ мекунанд.
АКС: Федератсияи гӯштини Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
