ПАЙРАВОНИ ПЕШВОИ МИЛЛАТЕМ. Дар Душанбе ҳамоиши гирандагони стипендияи президентӣ доир карда шуд

Февраль 8, 2023 17:41

ДУШАНБЕ, 08.02.2023. /АМИТ «Ховар»/. 7 феврал дар шаҳри Душанбе ҳамоиши гирандагони стипендияи президентӣ таҳти унвони «Пайравони Пешвои миллатем»  баргузор гардид. Дар он гирандагони стипендияи президентӣ аз шаҳру ноҳияҳои Рӯдакӣ, Варзоб, Ваҳдат, Файзобод ва Роғун иштирок намуданд. Дар ин хусус ба АМИТ «Ховар» сардори Раёсати кор бо ҷавонони дастгоҳи Кумитаи ҷавонон ва варзиши назди Ҳукумати Ҷумҳурии Тоҷикистон Амир Иброҳимзода хабар дод.

Зимни ифтитоҳи ҳамоиш таъкид шуд, ки таваҷҷуҳ ва дастгириҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон ба насли ояндасоз, яъне ҷавонон рӯз аз рӯз афзун гардида,  намунаи олитарини ин таваҷҷуҳ  имтиёзҳо, аз ҷумла таъсиси стипендияи  президентӣ ба хонандагон ва донишҷӯёни муассисаҳои таҳсилоти миёнаи умумӣ, ибтидоӣ ва миёнаи касбӣ мебошад, ки соли 2022 теъдоди стипендия аз 400 нафар  ба 3000 нафар  дар ҷумҳурӣ расонида ва маблағи он низ боло бурда шудааст.

Дар идомаи ҳамоиш аз ҷониби гирандагони стипендияи президентӣ ба Президенти Тоҷикистон барои қадрдонии сатҳи баланд изҳори миннатдорӣ карда шуд. Дар охир аз ҷониби масъулин  ба таври тантанавӣ  ба гирандагони стипендияи президентӣ шаҳодатнома ва маблағи стипендия супорида шуд.

Аз ҷавонон даъват карда шуд, ки ҳамчун пайравони асили Пешвои миллат дар омӯзишу  фаъолияти ҷамъиятӣ намунаи ибрат нишон дода,  ҳамеша фаъол бошанд.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Февраль 8, 2023 17:41

Хабарҳои дигари ин бахш

Тоҷикистон ва Фаронса ҳамкориро дар самтҳои илму таълим густариш медиҳанд
Дар Донишгоҳи давлатии омӯзгорӣ оид ба иҷрои нишондиҳандаҳои Паёми Президенти Тоҷикистон ҷамъомад баргузор шуд
Намояндаи Тоҷикистон дар Форуми академияҳои идоракунии давлатии мамлакатҳои аъзои ИДМ иштирок намуд
Даври ҷумҳуриявии олимпиадаҳои фаннӣ барои синфҳои 11-и муассисаҳои таълимии ҷумҳурӣ оғоз ёфт
Ҳамкории Тоҷикистон ва Эрон дар самти илму маориф тақвият меёбад
Ҷашни Наврӯзи хуҷастапайро аҳли илму маориф ботантана ҷашн гирифтанд
Дар шаҳри Турсунзода кӯдакистони замонавӣ ба истифода дода шуд
Дар Донишгоҳи давлатии Хуҷанд озмуни «Шоҳномахонӣ» баргузор шуд
Дар шаҳри Истаравшан дуюмин ҳамоиши гирандагони стипендияи президентӣ доир шуд
«НАВРӮЗ — МУЖДАИ БАҲОРУ САРСАБЗИИ ТАБИАТ». Дар Донишгоҳи давлатии Кӯлоб ҷашни аҷдодиро таҷлил намуданд
НАВРӮЗ-ЭҲЁГАРИ АНЪАНАҲОИ МИЛЛӢ ВА ТАРҒИБГАРИ ҲУНАРҲОИ МАРДУМӢ. Таҳти ин унвон дар Донишгоҳи давлатии Бохтар ҳамоиш баргузор шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба ҳифзи Ватан ва мубориза бо падидаҳои номатлуб мулоқот доир шуд