Сокинони шаҳри Кӯлоб бо барқ ва оби ошомиданӣ таъминанд
КӮЛОБ, 07.02.20223 АМИТ «Ховар»/. Дар ин рӯзҳои сарди фасли зимистон кормандони шабакаҳои барқи шаҳри Кӯлоб масъулияти бештар эҳсос намуда, кӯшиш карда истодаанд, ки муштариёнро бо барқ таъмин намоянд. Омодагии хуби шабакаҳои барқи шаҳр ба давраи тирамоҳу зимистони солҳои 2022-2023 дар рӯзҳои сарди зимистони имсола эҳсос гардид, зеро дар хатҳои барқи баландшиддат ва иншооти барқӣ садамаҳо рух надоданд.
Тавре дар шабакаҳои барқи шаҳри Кӯлоб ба хабарнигори минтақавии АМИТ «Ховар» Сулаймон ХОЛЗОДА изҳор доштанд, «дар коргоҳи таъмири трансформаторҳо коргарон трансформаторҳои аз кор баромадаро сари вақт таъмир менамоянд. Барои иваз намудани трансформаторҳои маҳаллаҳо, ки ба садама дучор мешаванд, чор адад трансформатори иловагӣ омода кардаанд. Фақат сарфакорона ва оқилона истифода намудани неруи барқ аз ҷониби муштариён ба интиқоли мунтазами неруи барқ мусоидат мекунад ва пардохти саривақтии маблағи истифодаи барқ барои таъмири иншооти барқӣ ва хатҳои барқ шароит фароҳам меорад».
Дар Идораи обу канализатсияи шаҳри Кӯлоб низ иншоот ва таҷҳизоти барқӣ таъмир гардида, бо истифода аз шароити мусоид муҳаррик ва насосҳои обкаширо фаъол нигоҳ медоранд. Қатъ нагардидани неруи барқ имкон фароҳам овардааст, ки аҳолӣ бо оби ошомиданӣ таъмин карда шавад.
Дар рӯзҳои сарди зимистон дар иншооти обрасони шаҳр садама ба вуқӯъ напайваст. Имрӯзҳо сокинони шаҳр тибқи реҷаи муайяннамудаи Мақомоти иҷроияи ҳокимияти давлатии шаҳри Кӯлоб бо оби ошомиданӣ таъмин гардида истодаанд.
АКС: АМИТ «Ховар»
Дар Самарқанд Саммити ҷаҳонӣ доир ба некӯаҳволии кӯдакон баргузор гардид
Байни Тоҷикистон ва Узбекистон Ёддошти тафоҳуми ҳамкорӣ ба имзо расид
Дар вилояти Суғд зиёда аз 1200 муассисаи тиббии давлатӣ ва хусусӣ фаъолият дорад
Моҳи ноябр дар Тоҷикистон бориши борон ва ба амал омадани чангу ғубор дар назар аст
ОМОДАГӢ БА ЗИМИСТОН. Дар муассисаҳои таълимии шаҳри Ҳисор 2277 тонна ангишт захира гардидааст
Қариб 200 миллион нафар дар ҷаҳон аз истеъмоли нокифояи йод азият мекашанд
Дар Душанбе омодасозии мутахассисони соҳаи тандурустӣ дар Осиёи Марказӣ баррасӣ гардид
Бахшида ба Рӯзи Президенти Тоҷикистон таҳти унвони «Тамаддуни ориёӣ» озмуни ҷумҳуриявӣ доир мешавад
Рустами Эмомалӣ ворид намудани тағйиру иловаҳо ба Қонун «Дар бораи маҳдуд намудани истифодаи маҳсулоти тамоку»-ро ҷонибдорӣ намуданд
Дар нуҳ моҳи соли равон 86 муассисаи КАТС ба истифода дода шуд
Байни Иттифоқи журналистони Тоҷикистон ва Ассосиатсияи Умумичинии журналистон Созишномаи ҳамкорӣ ба имзо расид
Дар Панҷакент Форуми ҷумҳуриявӣ ва даври ҷамъбастии озмуни «Беҳтарин оилаи ҳунарманд» доир шуд
