Соли 2022 ба беш аз 11,3 ҳазор нафар ҷавононе, ки аз сафи Қувваҳои Мусаллаҳи Тоҷикистон рухсат гардидаанд, кумакпулӣ пардохт карда шуд

Февраль 20, 2023 17:15

ДУШАНБЕ, 20.02.2023 /АМИТ «Ховар»/.  Соли 2022 ба 11 ҳазору 338  нафар ҷавононе, ки аз сафи Қувваҳои Мусаллаҳи Ҷумҳурии Тоҷикистон рухсат шудаанд, дар ҳаҷми 7 млн 151 ҳазору 365 сомонӣ кумакпулӣ пардохт карда шуд. Дар ин хусус ба АМИТ «Ховар» дар Вазорати меҳнат, муҳоҷират ва шуғли аҳолии  Ҷумҳурии Тоҷикистон хабар доданд.

Муовини аввали Директори Агентии меҳнат ва шуғли аҳолии  Вазорати меҳнат, муҳоҷират ва шуғли аҳолии  Ҷумҳурии Тоҷикистон Давлат Носирзода дар суҳбат бо хабарнигори АМИТ «Ховар» иброз дошт, ки кумакпулӣ ба  шарҳрвандоне, ки аз сафи Қувваҳои Мусаллаҳи Ҷумҳурии Тоҷикистон ва ё дигар сохторҳои низомӣ ҷавоб шудаанд, ба маблағи 600 сомонӣ тӯли се моҳ пардохт карда мешавад. Шахси бекор моҳе як маротиба аз нав аз қайди мақомоти меҳнат ва шуғли аҳолӣ мегузарад.

«Соли 2023 барои шаҳрвандоне, ки аз хизмати ҳарбӣ дар сафи Қувваҳои Мусаллаҳи Ҷумҳурии Тоҷикистон ва муассисаҳои иҷрои ҷиноӣ озод мешаванд, ба маблағи 17,5 млн сомонӣ кумакпулӣ пешбинӣ гардидааст.  Шаҳрвандоне, ки аз сафи Қувваҳои Мусаллаҳи Ҷумҳурии Тоҷикистон ва ё дигар сохторҳои низомӣ ҷавоб шудаанд, билети ҳарбӣ ва шаҳрвандоне, ки аз муассисаҳои ислоҳи ҷазои ҷиноятӣ озод шудаанд, бояд маълумотномаи озодшавӣ пешниҳод намоянд.  Мавҷуд набудани яке аз ин ҳуҷҷатҳо барои ба қайд нагирифтани шаҳрванд ҳамчун шахси бекор асос шуда метавонад»,-тазаккур дод ў.

Номбурда таъкид кард, ки дар сурати пурра пешниҳод намудани ҳуҷҷатҳои муайянгардида аз ҷониби Агентии меҳнат ва шуғли аҳолии мамлакат ба шаҳрванд аз рӯи ихтисос ва ё касби доштааш ҷойи кор пешниҳод карда мешавад. Агар шаҳрванд соҳиби ихтисос ва ё касб набошад, бо касбомӯзии ройгон ва стипендия фаро гирифта мешавад».

Ҳамчунин гуфта шуд, ки аз ҷониби Хукумати мамлакат ба як гурӯҳ шахсон дар асоси моддаҳои 24, 25, 26, 27, 28 Қонуни Ҷумҳурии Тоҷикистон «Дар бораи мусоидат ба шуғли аҳолӣ» ва моддаи 169 Кодекси меҳнати Ҷумҳурии Тоҷикистон кумакпулӣ пардохт карда мешавад. Тавассути мақомоти меҳнат ва шуғли аҳолии ҷумҳурӣ соли 2022  ба 13 ҳазор нафар ба маблағи 9,6 млн сомонӣ кумакпулӣ барои давраи бекорӣ таъйин ва пардохт гардид, ки ин ба 121,1 фоизи нақшаи солонаи барнома баробар аст.

Шаҳрвандоне, ки ба Агентии меҳнат ва шуғли аҳолӣ муроҷиат мекунанд, ҳамчун бекор ба қайд гирифта шуда, дар ин ҳолат ба онҳо тибқи барномаҳои махсус кумакпулиҳо пардохт карда мешаванд. Пардохти кумакпулӣ мувофиқи музди миёнаи меҳнати шаҳрвандони бекор дар ҷойи кори охирин зимни аз ташкилот озод шуданашон, инчунин ба шаҳрвандоне, ки аз хизмати ҳарбӣ дар сафи Қувваҳои мусаллаҳи Ҷумҳурии Тоҷикистон, дигар сохторҳои ҳарбӣ ва муассисаҳои иҷрои ҷиноӣ озод шудаанд, пешбинӣ гардидааст. Кумакпулӣ барои давраи бекорӣ дар ҳаҷми музди меҳнати ҳадди ақалли дар Ҷумҳурии Тоҷикистон муқарраргардида пардохт карда мешавад.

Ба шаҳрвандоне, ки аз корхона, ташкилоту муассисаҳо бо сабаби барҳамхӯрӣ, ихтисор намудани шумора ё ҳайати корӣ аз кор озод карда шудаанд, кумакпулӣ барои бекорӣ дар моҳи аввал дар ҳаҷми 50 фоизи музди миёнаи меҳнат аз ҷойи кори охирин (бо назардошти коэффитсиентҳо), ки дар 6 моҳи охири корӣ ҳисоб карда шудааст, моҳи дуюм дар ҳаҷми 40 фоиз ва моҳи сеюм дар ҳаҷми 30 фоизи музди миёнаи меҳнат таъйин карда мешавад.

Фирӯза ДАВЛАТЗОДА,
АМИТ «Ховар»

АКС: АМИТ «Ховар»

Февраль 20, 2023 17:15

Хабарҳои дигари ин бахш

Тавассути «Почтаи Тоҷикистон» беш аз 27 миллион рӯзномаю маҷалла ба мизоҷон расонида шуд
Дар Душанбе Форуми дуюми коршиносии «Осиёи Марказӣ – Русия: рӯзномаи рушди муштарак» ба кори худ оғоз намуд
СИРДАРЁ МУТТАҲИД МЕНАМОЯД. Дар Гулистон Форуми сеюми ҷавонони ҳавзаи дарёи Сир – 2025 баргузор мегардад
ГРАНТИ ПРЕЗИДЕНТӢ. Ба 200 нафар занон — ғолибони лоиҳаҳои гранти президентӣ дар соли 2025 Диплом супорида шуд
Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бо Вазорати маорифи Русия Ёддошти тафоҳум ба имзо расонд
Ёддошти тафоҳуми ҳамкорӣ байни Ваколатдор оид ба ҳуқуқи инсон дар Ҷумҳурии Тоҷикистон ва Кумитаи миллӣ оид ба ҳуқуқи инсони Давлати Қатар ба имзо расид
Дар Хуҷанд доир ба баланд бардоштани маърифати ҳуқуқии ҷавонон ҳамоиш баргузор гардид
Татяна Москалкова бо мақомоти Ваколатдор оид ба ҳуқуқи инсон дар Ҷумҳурии Тоҷикистон шинос шуд
Байни вазоратҳои тандурустии Тоҷикистон ва Русия Харитаи роҳ барои солҳои 2026-2027 ба имзо расид
Масъалаи табодули таҷрибаи табибони Тоҷикистону Русия баррасӣ гардид
Дар Душанбе Форуми минтақавии роҳбарони сохторҳои ҳолатҳои фавқулода баргузор мегардад
IRS: Ҳаракат дар роҳи Душанбе-Чанок муваққатан маҳдуд карда шуд