ТАВАҶҶУҲ! Шаҳрвандони Тоҷикистон бояд то 15 феврал симкортҳои худро тибқи шиносномаи намунаи соли 2014 дубора ба қайд гиранд
ДУШАНБЕ, 07.02.2023 /АМИТ«Ховар»/. Дар асоси талаботи Қарори Ҳукумати Ҷумҳурии Тоҷикистон аз соли 2019 фурӯш ва азнавбақайдгирии симкортҳо дар асоси шиносномаи намунаи соли 2014 анҷом меёбад. Яъне шаҳрвандоне, ки шиносномаи намунаи соли 1996 доранд, уҳдадор шудаанд, ки чунин намуди шиносномаро то 15 феврали соли 2023 ба шиносномаи намунаи соли 2014 иваз намуда, бо он симкортҳои худро дар ширкатҳои мобилӣ аз нав ба қайд гиранд. Дар ин хусус АМИТ «Ховар» бо истинод ба Хадамоти алоқаи назди Ҳукумати Ҷумҳурии Тоҷикистон хабар медиҳад.
Мутобиқи Қарори Ҳукумати Ҷумҳурии Тоҷикистон аз 30 апрели соли 2016 «Дар бораи тартиб ва талаботи пайвастшавӣ ба шабакаҳои алоқаи барқӣ ва хизматрасониҳои вобаста ба он», ки 15 феврал эътибор пайдо кард, ҳамаи муштариёни телефонҳои мобилӣ бояд SIM-корти худро бо шиносномаҳои ID — намунаи cоли 2014 аз нав ба қайд гиранд.
Дар минтақаи Суғд 95% аҳолӣ бо шиносномаи ID, намунаи соли 2014 таъмин гардидааст.
Дар айни замон дар Тоҷикистон бо шиносномаи намунаи соли 1996 882 ҳазору 774 рақам фаъол буда, то ҳол бо намунаи соли 2014 (ID корт) ба қайд гирифта нашудаанд.
Дар робита ба ин барои тезонидани муҳлати азнавбақайдгирии симкортҳои шаҳрвандон бо шиносномаҳои ID, намунаи соли 2014 гурӯҳи муштараки корӣ аз ҳисоби Вазорати корҳои дохилӣ ва Хадамоти алоқаи назди Ҳукумати Ҷумҳурии Тоҷикистон ташкил карда шуд.
Ёдрас мешавем, ки Ҳукумати Ҷумҳурии Тоҷикистон муҳлати бақайдгирии дигарбораи симкортҳоро бо шиносномаҳои намунаи соли 2014 то 15 феврали соли 2023 муқаррар кардааст.
София ШОИК,
АМИТ «Ховар»
АКС: АМИТ «Ховар»
МАСЛИҲАТИ МУТАХАССИС. Истеъмоли чукрӣ ба кам шудани моддаи қанд дар таркиби хун мусоидат мекунад
35-СОЛАГИИ ИСТИҚЛОЛИ ДАВЛАТӢ. Барои сазовор таҷлил намудани ин ҷашни миллӣ машварати корӣ доир шуд
Тоҷикистону Чин ҳамкориро дар бахшҳои сиёсӣ, иқтисодӣ ва гуманитарӣ тақвият медиҳанд
Дар шаҳри Ваҳдат бо мақсади баланд бардоштани ҳувияти миллии ҷавонон ҳамоиш доир шуд
Байни Тоҷикистон ва Арабистони Саудӣ дар самти таҳсилоти касбӣ Ёддошти тафоҳум ба имзо расид
Сокинони ноҳияи Тоҷикобод аз муоинаю ташхисҳои тиббии ройгон гузаронида шуданд
Бо иштироки занону духтарони вазорату идораҳо иқдоми ҷумҳуриявии «Тоҷикона мепӯшем!» доир гардид
ОБОД СОХТАНИ ВАТАН ИБОДАТ АСТ! Соҳибкори маҳаллӣ дар ноҳияи Темурмалик барои ду ҳамдеҳааш хона сохт
Дар шаҳри Ҳисор маҳфил-озмуни «Тоҷикистони ман!» баргузор мешавад
«СУҒД — ЧОРРОҲАИ РОҲИ БУЗУРГИ АБРЕШИМ». Дар Суғд форуми сеюми байналмилалӣ доир мегардад
ИМРӮЗ — РӮЗИ УМУМИҶАҲОНИИ САЛОМАТӢ. Шоҳсутуни асосии саломатӣ варзиш, ғизои хуб ва хоб аст
«ЯКҶОЯ БА СӮИ САЛОМАТӢ…». Ба сокинони шаҳри Душанбе хизмати ройгони тиббӣ расонида шуд
