Занеро дар Туркия пас аз 205 соати заминларза аз зери харобаҳо наҷот доданд
ДУШАНБЕ, 15.02.2023 /АМИТ «Ховар»/. Дар музофоти Қаҳрамонмараши Туркия пас аз 205 соати заминларзаи харобиовар як зан аз зери харобаҳо наҷот дода шуд. Дар ин бора АБИ «Казинформ» бо истинод ба агентии «Анадолу» хабар додааст.
Айшегул Байири 35-соларо аз зери харобаҳои бинои фурӯрафта дар минтақаи Оникшубот берун кашиданд. Барои расидан ба он наҷотдиҳандагонро зарур омад, ки туннели 5-метра кананд.
Ба зарардида дар ҷойи ҳодиса ёрии таъҷилии тиббӣ расонида шуд. Сипас ӯро тавассути мошини ёрии таъҷилӣ ба беморхона интиқол доданд.
Алӣ Каспак, корманди полиси Туркия (JAK) таъкид кард, ки наҷотдиҳандагон омодаанд, ки то аз зери харобаҳо берун овардани охирин нафари зинда мубориза баранд.
Рӯзи душанбеи гузашта, 6 феврал дар музофоти Қаҳрамонмараш ду заминларза бо шиддати ҳафт балл рух доданд (соати 04:17 – 7,7 балл ва соати 13:24 – 7,6 балл ба вақти маҳаллӣ), ки марказаш шаҳри Қаҳрамонмараш буд. Таконҳои зеризаминӣ, ки садҳо бор такрор ёфтанд, дар 10 музофоти ин давлат ва ҳамчунин дар давлатҳои ҳамсоя, аз ҷумла дар Сурия эҳсос карда шуданд.
Мансур СУРУШ,
Ҷаҳонгир ГУЛМУРОДӢ,
АМИТ «Ховар»
АКС аз манбаъҳои боз
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
