10 нафар бар асари сӯхтори бинои истиқоматӣ дар шимолу ғарби Покистон ба ҳалокат расид
ДУШАНБЕ, 18.03.2023 /АМИТ «Ховар»/. Бар асари сӯхтори бинои истиқоматӣ дар музофоти Ҳайбар-Паҳтунхваи шимолу ғарби Покистон қариб 10 нафар ҳалок ва се тани дигар захмӣ шудааст. Тавре ки АМИТ «Ховар» бо истинод ба «Синхуа» иттилоъ медиҳад, дар ин хусус рӯзи ҷумъа намояндагони полис ва хадамоти наҷоти маҳаллӣ хабар додаанд.
Ҳодиса дар минтақаи Коҳистони Поён рух додааст. Фармон Алӣ, намояндаи хадамоти наҷоти маҳаллӣ ба расонаҳо изҳор намуд, ки субҳи рӯзи ҷумъа дар як хонаи чӯбӣ сӯхтор ба амал омад.
Бар асари сӯхтор боми хона фурӯ рехта, аъзои хонавода зери он мондаанд,- афзуд ӯ ва илова намуд, ки дар байни ҳалокшудагон занону кӯдакон низ ҳастанд. Сӯхтор ба фермаи ҳамсоя низ паҳн шудааст, ки ки дар он 8-10 сар гов ба ҳалокат расидааст.
Наҷотдиҳандагон, сӯхторнишонҳо ва табибони ёрии таъҷилӣ ба ҷои ҳодиса ҳозир шуда, осебдидагонро ба наздиктарин бемористон бурданд. Амалиёти наҷот идома дошта, як нафар то ҳол зери харобаҳо боқӣ мондааст, арз кард полис ва афзуд, ки дар он сокинони маҳаллӣ низ барои кумак иштирок мекунанд.
Тафтиши ҳодиса идома дорад.
Азиза ИКРОМ,
АМИТ «Ховар»
АКС аз манбаъҳои боз
6 феврал дар якчанд вазорату идораҳо нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
