ҶАҲОН ВА МУШКИЛОТИ МАРБУТ БА ОБ. 2 миллиард нафар умуман ба оби тозаи нӯшокӣ дастрасӣ надорад
ДУШАНБЕ, 27.03.2023 /АМИТ «Ховар»/. Дар ҷаҳон 3 млрд 600 млн нафар ба низоми обу корези бехатар дастрасӣ надорад. Дар ин хусус АМИТ «Ховар» бо истинод ба маълумоти сомонаи расмии Созмони Милали Муттаҳид иттилоъ додааст.
Шумораи аҳолие, ки дар шаҳрҳо ба об дастрасӣ надорад, меафзояд. Тибқи ҳисоби коршиносон, шумораи аҳолии шаҳрҳои дунё, ки ба об дастрасӣ надорад, аз 930 млн дар соли 2016 ба 1,7- 2, 4 млрд дар соли 2050 мерасад.
Ба ҳолати моҳи марти соли 2023 дар ҷаҳон 2 млрд нафар умуман ба оби тозаи нӯшокӣ дастрасӣ надорад.
Тибқи гузориши Панели байниҳукуматӣ оид ба тағйирёбии иқлим дар бораи уқёнусҳо ва криосфера (соли 2019), то охири садсолаи равон сеяки пиряхҳои ҷаҳон метавонад аз байн равад.
Дар панҷ даҳсолаи охир нишондиҳандаи таъмини оби тоза ба сари ҳар нафар аҳолӣ дар сатҳи ҷаҳонӣ 2,5 баробар ва дар минтақаи Осиёи Марказӣ чор баробар коҳиш ёфтааст.
Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор» солҳои 2018 – 2028, ки соли 2022 дар Душанбе баргузор гардид, таъкид намуда буданд, ки тақрибан 2 миллиард нафар дар ҷаҳон ба шабакаҳои таъмини оби ошомидании бехатар дастрасӣ надорад.
Ба гуфти Пешвои миллат Эмомалӣ Раҳмон, ҷомеаи ҷаҳонӣ ҳанӯз тадбирҳои зарурии коҳиш додани оқибатҳои тағйирёбии иқлим ва мутобиқ шудан ба онро наандешидааст.
«Табиист, ки дар ин давра ҳамаи кишварҳои ҷаҳон тамоми воситаву имкониятро ба мубориза бо ин буҳрон равона кардаанд, — зикр намуданд Сарвари давлат. — Вале мо бояд фаромӯш насозем, ки масъалаи об бинобар аҳамияти хосса доштанаш, бояд ҳамеша чун масъалаи афзалиятнок боқӣ монад».
Тибқи арзёбии коршиносон, соли 2050 шумораи аҳолии кураи Замин эҳтимоли расидан ба 9 миллиард нафарро дорад, ки ин албатта, сабаби чандин маротиба зиёд шудани талабот ба об мегардад.
Дар баробари ин, Президенти Ҷумҳурии Тоҷикистон муҳтарам Эмомалӣ Раҳмон таъкид намуданд, ки талошҳои умумӣ ҳанӯз самараи дилхоҳ надодаанд ва рақамҳои зерин гувоҳи он мебошанд:
– зиёда аз 3,5 миллиард нафар аз хизматрасонии зарурии беҳдошт ва қариб 2,3 миллиард нафар аз шароити одии гигиенӣ бархӯрдор нест;
– ҳамасола қариб ним миллион нафар аз бемориҳои сироятии марбут ба об ба ҳалокат мерасад.
«Дар робита ба ин метавон гуфт, ки раванди иҷрои воқеии ҳадафу вазифаҳои гузошташуда дар самти таъмин намудани дастрасӣ ба оби ошомиданӣ ва беҳдошт дар сатҳи зарурӣ қарор надорад», — гуфтанд Сарвари давлат.
АКС аз мабаъҳои боз
Раванди омодагӣ ба Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» баррасӣ шуд
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Соли 2028 дар Тоҷикистон Конфронси Созмони Милали Муттаҳид оид ба захираҳои об баргузор мешавад
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН ДАР САРХАТИ ТАШАББУСҲОИ ҶАҲОНӢ. Андешаҳо дар мавриди қабули қатъномаи таърихии Тоҷикистон оид ба зеҳни сунъӣ дар Маҷмаи Умумии СММ
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Дар Бадахшон оид ба ташаббусҳои ҷаҳонии Президенти Тоҷикистон ҳамоиши ҷумҳуриявӣ доир шуд
Мушоҳидаи аэровизуалӣ ва георадарии ҳолати пиряхҳо ва кӯлҳои кӯҳии Тоҷикистон гузаронида шуд
