Ҳайати Тоҷикистон дар иҷлосияи Шӯрои вазирони корҳои хориҷии СҲИ дар Мавритания иштирок намуд
ДУШАНБЕ, 18.03.2023 /АМИТ «Ховар»/. 16-17 март ҳайати Тоҷикистон дар иҷлосияи 49-уми Шӯрои вазирони корҳои хориҷии Созмони ҳамкории исломӣ дар шаҳри Нуакшоти Ҷумҳурии исломии Мавритания иштирок намуд. Дар ин хусус дар Вазорати корҳои хориҷии Ҷумҳурии Тоҷикистон хабар доданд.
Роҳбари ҳайати ҷумҳурӣ аз тадбирҳои муассири Ҳукумати Тоҷикистон дар самти мубориза бо терроризм ва ифротгароӣ ёдовар шуда, тавсеаи равобити иқтисодиву тиҷоратӣ миёни давлатҳои СҲИ тавассути иҷрои барномаҳои марбутаи ин созмонро яке аз омилҳои муҳими ҳалли мушкилоти иқтисодӣ ва иҷтимоӣ, аз ҷумла коҳиши фақр ва таъмини шароити устувори зиндагӣ дар минтақа унвон кард.
Дар фарҷом роҳбари ҳайати Тоҷикистон аз давлатҳои узви СҲИ ҷиҳати иштироки фаъол дар Конфронси оби СММ-2023, ки 22-24 марти соли равон дар шаҳри Ню-Йорк таҳти раёсати Ҷумҳурии Тоҷикистон ва Нидерланд баргузор мегардад, даъват ба амал овард.
Инчунин 17 март дар ҳошияи иҷлосияи 49-уми Шӯрои вазирони корҳои хориҷии Созмони ҳамкории исломӣ муовини Вазири корҳои хориҷии Ҷумҳурии Тоҷикистон Фарҳод Салим бо Вазири корҳои хориҷии Ҷумҳурии исломии Мавритания Исмоил Оулд Шайх Аҳмад мулоқот намуд.
Зимни мулоқот ҷонибҳо оид ба рушду густариши минбаъдаи робитаҳои дӯстонаи сиёсӣ, иқтисодӣ ва фарҳангии ду давлат табодули назар намуданд.
АКС: Вазорати корҳои хориҷии Ҷумҳурии Тоҷикистон
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
Дар Душанбе машваратҳои сиёсии вазоратҳои корҳои хориҷии Тоҷикистону Чин баргузор гардид
Ҳамкорӣ байни Тоҷикистон ва Кувайт дар соҳаҳои гуногун баррасӣ гардид
Дар Душанбе Конфронси байналмилалӣ дар мавзуи «Осиёи Марказӣ – меҳвари СҲШ: фазои сулҳ ва рушди муштарак» баргузор шуд
Иқтидори Тоҷикистон дар Форуми глобалии энергетикӣ дар шаҳри Вашингтон муаррифӣ гардид
Ҳайати Тоҷикистон дар чорабинии канорӣ оид ба ҳамкорӣ дар самти рушди иҷтимоӣ дар Осиёи Марказӣ иштирок намуд
Дурнамои ҳамкорӣ байни Тоҷикистон ва Туркманистон дар доираи ЮНЕСКО баррасӣ шуд
Фарҳангу таърихи Тоҷикистон дар Фестивали байналмилалии донишгоҳи ADA-и Озарбойҷон муаррифӣ гардид
Дар шаҳри Гроднои Беларус мероси фарҳангии халқи тоҷик муаррифӣ гардид
Сафири Тоҷикистон бо имкониятҳои иқтисодӣ, саноатӣ ва илмии музофоти федеролии Саарланди Олмон шинос шуд
Ҳамкории Тоҷикистон бо Иттиҳоди Аврупо баланд арзёбӣ гардид
Ҳамкории Тоҷикистон ва Австрия дар доираи созмонҳои байналмилалӣ баррасӣ шуд
