Ҳар панҷумин белгиягӣ маҷбур аст, ки маҳсулотро аз хориҷа харидорӣ кунад
![](https://khovar.tj/wp-content/uploads/2023/03/pordukty.jpg)
ДУШАНБЕ, 28.03.2023 /АМИТ «Ховар»/. Соли 2022 мардуми Белгия барои харидани маҳсулоти хӯрокворӣ дар давлатҳои ҳамсоя 543 миллион евро сарф кард. Дар Федератсияи истеҳсолкунандагони маҳсулоти хӯроквории Белгия «Fevia» чунин мешуморанд, ки бисёр маҳсулоти хӯрокворӣ ва нӯшокиҳо барои белгиягиҳо дар он ҷо арзонтар аст. Дар ин хусус АМИТ «Ховар» бо истинод ба АБИ «Казинформ» иттилоъ медиҳад.
Тавре аз ҳисоботи ассотсиатсияи «Fevia» бармеояд, тақрибан ҳар панҷумин белгиягӣ барои харид кардан мунтазам сарҳадро убур мекунад. Ба ҷумлаи самтҳои маъмул: Фаронса, Нидерланд, Люксембург ва Олмон дохил мешаванд.
Тамоюли харид дар хориҷа охири соли 2022, замоне ки нархи неруи барқ ва ғизо дар Белгия ба таври назаррас боло рафт, афзоиш ёфт.
Федератсияи истеҳсолкунандагони хӯроквории Белгия «Fevia» аз ҳукумат хоҳиш намудааст, ки барои ҳифзи истеҳсолкунандагони маҳаллӣ тадбирҳои фаврӣ андешида шавад.
Азиза ИКРОМ,
АМИТ «Ховар»
АКС: АБИ «Казинформ»