Қатар барои сарфа ва тоза кардани об технологияҳои нав истифода мебарад

Март 21, 2023 11:45

ДУШАНБЕ, 21.03.2023 /АМИТ «Ховар»/. Дар арафаи Рӯзи умумиҷаҳонии об, ки 22 март таҷлил мегардад, коршиносон масъалаи таъмини оби беш аз 2 миллиард аҳолии минтақаҳои гуногуни ҷаҳонро, ки имрӯз аз он маҳруманд, баррасӣ мекунанд. Мувофиқи маълумоти Созмони ҳамкории иқтисодӣ ва рушд (OECD), то соли 2050  60% аҳолии Замин метавонад ба норасоии об дучор шавад, иттилоъ медиҳад АЗЕРТАҶ бо истинод ба шабакаи иттилоотии Euronews.

Яке аз давлатҳое, ки муддати тӯлонӣ бо мушкили норасоии об рӯ ба рӯ шудааст, Қатар мебошад. Барои ҳалли он дар дурнамои дарозмуддат ин давлат ба технологияҳои пешрафтаи муосир рӯ меорад ва шарики он дар ин лоиҳаи ҳавасманд гурӯҳи иҳтисосии испаниягӣ Aguas de Valencia, ки дар бозори омода намудани мутахассисони ҳирфаии низоми рақамӣ пешсаф аст, ба шумор меравад.

Ширкат бузургтарин иншооти обтозакунии кишварро дар ғарби Давҳа- пойтахти Қатар идора мекунад. Оби тозанашуда дар корхона якчанд марҳилаҳои тозакунии биологӣ ва коркарди санитарии фишори баландро мегузарад, ки пас аз он барои обёрии боғу майдонҳо мувофиқ мегардад.

Дар Қатар технологияҳои инноватсионӣ барои нигоҳ доштани бориш низ истифода мешавад. Тавре Euronews иттилоъ медиҳад, ба гуфтаи Энрике Фернандес, мудири кулли ширкати Aguas de Valencia, дар рӯзҳои боронӣ дар Қатар дар муддати хеле кӯтоҳ миқдори хеле зиёди об меборад.  «Мо бояд барои коркард ва захираи миқдори ниҳоят зиёди бориш дар муддати  кӯтоҳ омода бошем, сипас ҳаҷми пурраи бориши ҷамъшударо тоза кунем», — баён намуд Энрике Фернандес.

Азиза ДАДАБОЕВА,
АМИТ «Ховар»

АКС: Euronews   

Март 21, 2023 11:45

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад